ساغلیق ناظیری:"بیون تک" آشی‌سی‌نین ایلک 5 مین 800 دوزو اؤلکه‌میزه چاتیب

تورکیه-‌ده گلن هفته‌دن 60-65 یاش قروپو شخص‌لرین واکسیناسیونونا باشلانیلیر.

بونونلا باغلی معلوماتی ساغلیق ناظیری فخرالدین کوجا دونن (17 مارس) وئریب.

ناظیر ویدئوکنفرانس شکلینده کئچیریلمیش ایجلاسا قاتیلا‌راق، باشچی‌لیق ائتدیگی علمی کومیته‌نین ییغینجاغیندان سونرا وئردیگی آچیقلامادا بیلدیریب کی، "کووید-19"ون کوتلوی بیر پروبلئم اولماسی‌نین دایاندیرماسی اوچون قارشیمیزدا ایللر یوخ، آیلار وار. اینسان‌لیق 2020-جی ایلین چاره‌سیزلیگی‌نین عهده ‌سیندن گلدی. 2021-جی ایل اومید و غلبه ایلی‌دیر. تورکیه آشی تداروک نقطه‌سینده پتانسیل پروبلئم‌لری نظرده توتا‌راق ارکن حرکته کئچدی. حاضیردا ایستیفاده ائتدیگیمیز آشی دان (چین اوره تیمی اولان "سینوواک") فرق‌لی بیر آشی اولان "بیون تک" آشی‌سی‌نین ایلک 5 مین 800 دوزو اؤلکه‌میزه چاتدی. تطبیق ائدیلمه‌سی اوچون بو آی داها 4،5 میلیون دوز گله‌جک. بو اسنادا آشی تست‌لری تامام‌لانا‌جاق. بو آشی دا نؤوبه‌ده اولان‌لارا تطبیق ائدیله‌جک.

ناظیر کوجا 65 یاشدان یوخاری و ساغلیق ایشچی‌لری‌نین آشی لاما پروسه‌سی‌نین تاماملاندیغینی ایفاده ائده‌رک، "گلن هفته‌دن 60-65 یاش قروپو شخص‌لرین واکسیناسیونونا باشلانیلیر" دئییب.