مولود چاووش اوغلو قیرغیزیستان-دا

تورکیه-‌نین خاریجی ایشلر ناظیری مولود چاووش اوغلو رسمی سفری چرچیوه‌سینده قیرغیزیستانین پایتاختی بیشکک-ده اؤلکه باشچی‌سی سدیر ژاپاروو طرفیندن قبول ائدیلیب.

1598621
مولود چاووش اوغلو قیرغیزیستان-دا

 

تورکیه-‌نین خاریجی ایشلر ناظیری مولود چاووش اوغلو رسمی سفری چرچیوه‌سینده قیرغیزیستانین پایتاختی بیشکک-ده اؤلکه باشچی‌سی سدیر ژاپاروو طرفیندن قبول ائدیلیب. صحبت زامانی سیاسی، اقتصادی، مدنی و اینسانی ساحه‌لرده گونجل امکداش‌لیق مؤوضوع لاری موذاکیره ائدیلیب.

30 ایللیک قیرغیزیستان-تورکیه دیپلوماتیک علاقه‌لرینه توخونان قیرغیزیستان پرزیدنتی دئییب: "تاریم، تکستیل، معدنچی‌لیک، هیدروالکتریک و دیگر ساحه‌لرده ایش علاقه‌لرینی اینکیشاف ائتدیرمک، قیرغیزیستان و تورکیه-‌نین اقتصادی پتانسیل‌ینه اویغون اورتاق لاییحه‌لر حیاتا کئچیرمک، امکداش‌لیغی گئنیشلندیرمک و تیجارت حجمینی 1 میلیارد دو‌لارا چیخارتماق لازیم‌دیر".

خاریجی ایشلر ناظیری بیشک-ده آتا ئیت عابده‌سینی ده زیارت ائدیب و سونرا قیرغیز همکاری روسلان قازاق بایئو ایله گؤروشوب، اورتاق مطبوعات کنفرانسیندا ایکی طرف‌لی علاقه‌لره دایر فیکیرلرینی چاتدیریب.

قیرغیزیستان-تورکیه ماناس بیلیم یوردونون هر ایکی اؤلکه‌نین قارداش‌لیغی‌نین بیر نشانه‌سی اولدوغونو وورغولایان مولود چاووش اوغلو تحصیل و دیگر ساحه‌لرده آرتیق فتح الله چی ترور تشکیلاتی (فتو) کیمی‌لرینه احتیاج قالمادیغینی و فتو-نون تکجه تورکیه دئییل، قیرغیزیستان اوچون ده بیر تهدید اولدوغونو سؤیله‌ییب: "بو جور ترور تشکیلاتلاریندان‌ دا، جینایت شبکه‌لریندن ده اینشاالله، تامامیله خلاص اولاجاغیق… هر ایکی اؤلکه تحصیل و علم ساحه‌سینده

امکداش‌لیغی اینکیشاف ائتدیریر. تورکیه معاریف فوندو (معاریف واکیفی) قیرغیزیستان-دا کیفیت‌لی ابتدایی و اورتا مکتب‌لر آچا‌جاق. بو معاریف مکتبی اورتا آسیادا آچیلا‌جاق ایلک معاریف فوندو مکتبی اولا‌جاق."

قیرغیزیستان خاریجی ایشلر ناظیری روسلان قازاق بایئو ده اؤز نؤوبه‌سینده بون‌لاری سؤیله‌ییب: "قیرغیزیستان ایله تورکیه دیلی بیر، دینی بیر ایکی قارداش اؤلکه‌دیر. بیزیم آرامیزدا هر هانسی سیاسی پروبلئم یوخ‌دور. اؤلکه‌یه معاریف فوندونون گلمه‌سی، مکتب آچماسی و تحصیل پروسه‌سینده ایشتیراکینی گؤزلییریک."



ایلگیلی‌لی خبرلر