اردوغان و پوتین نوکلئر گوج مرکزینین تملینی آتاجاق
مرکزین ایلک واحدینین تورکیه جمهوریتینین ۱۰۰.جو ایلینین قوتلاناجاغی ۲۰۲۳ده ایشه باشلایاجاغی هدفلهنیر
تورکیهنین ایلک نوکلئر انرژی مرکزی اولاجاق آققویو نوکلئر گوج مرکزینین اوچونجو گوج بیریمینین تملی یارین آتیلاجاق.
تورکیهنین ان بؤیرک یاتیریملاری آراسیندا اولان آققویو نوکلئر گوج مرکزینده اوچونجو واحدین تمل آتما مراسیمینه پرزیدنت رجب طیب اردوغان و روسیا دؤولت باشقانی ولادیمیر پوتین ویدئو کنفرانس یولو ایله قاتیلاجاق.
تورکیه و روسیا آراسیندا ۲۰۱۰.جو ایلین می آییندا امضالانان آنلاشمایا اساساً، مرسینین گولنار ائلچهسینه باغلی بؤیوک ائجهلی بؤلگهسیندهکی تیکیمی داوام ائدن مرکزین ایلک بیریمینین تملی، ۳ آوریل ۲۰۱۸.جی ایلده آتیلدی.
گئچهن ایل آوریل آییندا ایکینجی بؤلمهنین تملینین آتیلماسی ایله چالیشمالارین سورعتلندیگی ساحهده، اوچونجو بیریمین تیکیم مجوزی نوامبر آییندا آلیندی و تمل آتما مراسمی اوچون گئری سایما باشلادی.
هر بیری ۱۲۰۰ مگاواتلیق ۴ رآکتوردان اولوشاجاق و توپلام ۴ مین ۸۰۰ مگاواتدان گوجه صاحب اولاجاق مرکزین ایلک واحدینین تورکیه جمهوریتینین ۱۰۰.جو ایلنین قوتلاناجاغی ۲۰۲۳ده ایشه باشلاباجاغی هدفلهنیر. قالان ۳ بیریمین ده بیر ایللیک آرا ایله ۲۰۲۶ سونونا قدر فعالیته گئچمهسی پلانلانیر.
ایلگیلیلی خبرلر
هاکان فیدان هلندین باش ناظیری ایله گؤروشوب
قطردهکی تماسلاریندان سونرا هلنده گئدن ناظیر فیدان لاهه شهرینده مارک روته ایله گؤروشوب