میللی ساوونما ناظیری حولوصی آکار رومانیا-دا سفرده‌دیر

میللی ساوونما ناظیری حولوصی آکار تورکیه ایله رومانیا آراسینداکی دوستلوق و امکداشلیغین گله‌جک دؤورده داها چوخ اینکیشاف ائدجگینه ایناندیغینی بیلدیریب.

1598072
میللی ساوونما ناظیری حولوصی آکار رومانیا-دا سفرده‌دیر

"تورکیه ایله رومانیا آراسینداکی دوستلوق و امکداش‌لیق گله‌جک دؤورده داها چوخ اینکیشاف ائده‌جک".

بونو رومانیا-دا سفرده اولان میللی ساوونما ناظیری حولوصی آکار تورکیه-‌نین بخارست‌-ده‌کی سفیرلیگینی زیارتی زامانی دئییب.

سفیر فسون آرامازدان معلومات آلان ناظیر آکار "شرف کیتابی"نا بون‌لاری یازیب:

"رسمی دانیشیق‌لار اوچون رومانیا-دا اولماغیمدان و بخارست-ده‌کی سفیرلیگیمیزی زیارت ائتمک‌دن چوخ ممنون اولدوم.

تورکیه و رومانیا بولگه سل و قلوبال مسئله‌لره حل یولو تاپیلماسی باره‌ده امکداش‌لیق ائدیرلر. اینانیرام کی، ایکی اؤلکه آراسینداکی دوستلوق و امکداش‌لیق قارشی‌داکی دؤورده داها دا اینکیشاف ائتمیش سویه‌لره چاتا‌جاق‌دیر.

بخارست-ده‌کی سفیرلیگیمیزین ایشی ده ایکی اؤلکه آراسینداکی علاقه‌لرین اینکیشافینا اهمیت‌لی درجه‌ده کؤمک ائدیر".

میللی ساوونما ناظیری آکار سفری چرچیوه‌سینده رومانیانین ساوونما ناظیری ایله گؤروش کئچیره‌جک. ایکی ناظیر هئیت‌لر آراسینداکی دانیشیق‌لارا دا رهبرلیک ائده‌جک.

حولوصی آکار بخارست-ده‌کی تورک قبیریستان‌لیغینی دا زیارت ائده‌جک.



ایلگیلی‌لی خبرلر