تورکیه شهیدلرینه آغلاییر

تورکیه بیتلیس-ده هلیکوپترین قضایا دوشمه‌سی نتیجه‌سینده شهید اولان عسگرلرینه آغلاییر...

قضانین اشیدیلدیگی ایلک آندان اعتباراً آختاریش و قورتارما ایشلرینی یاخیندان تعقیب ائدن جمهور باشقانی رجب طیب اردوغان شهیدلره الله-دان رحمت، عائله‌لرینه و تورک سلاحلی قوه‌لرینه باش ساغلیغی دیله‌ییب.

جمهور باشقانی اردوغان شهید ژنرال (کورژنرال) عثمان ارباشین عائله‌سی ایله ده تلفونلا دانیشیب.

اردوغان سوسیال مئدیا حساب‌لاریندا ایسه، "قهرمان شهیدلریمیزه الله‌دان رحمت، یارا‌لی‌لاریمیزا عاجیل شفا دیلییرم. کدرلی عائله‌لری‌نین و عزیز میللتیمیزین باشی ساغ اولسون" مئساژینی پایلاشیب.

تورکیه بؤیوک میللت مجلیسی‌نین صدری مصطفی شنتوپ ایسه سوسیال مئدیا حسابیندا "شهید اولان اولادلاریمیزا الله‌دان رحمت، یارا‌لی عسگرلریمیزه ده عاجیل شفا دیلییرم. میللتیمیزین باشی ساغ اولسون" دئییب.

جمهور باشقانی یاردیمجیسی فواد اوختای دا یایدیغی باش ساغلیغی مئساژیندا "شهید اولان قهرمان عسگرلریمیزین آغریسی اورییمیزی یاندیردی. شهیدلریمیزه الله‌دان رحمت، یارا‌لی‌لاریمیزا عاجیل شفا دیلییرم. عزیز میللتیمیزین باشی ساغ اولسون" ایفاده‌لردن ایستیفاده ائدیب.

عدالت و اینکیشاف پارتیسی سؤزچوسو عمر چلیک ده سوسیال مئدیادا ائتدیگی پای‌لاشیمدا "میللتیمیزین و قهرمان سلاحلی قوه‌لریمیزین باشی ساغ اولسون. شهیدلریمیزه رحمت، یارا‌لی‌لاریمیزا شفا دیلییریک" دئییب.

آنا موخالیفت جمهوریت خالق پارتیسی‌نین صدری کمال کیلیچداراوغلو دا بیر مئساژ یاییملایا‌راق "کدرلی خبر اورییمیزی داغلادی. شهید عسگرلریمیزه الله‌دان رحمت، یارا‌لی عسگرلریمیزه شفا دیلییرم" دئییب.

میللیتچی حرکات پارتیسی‌نین صدری دؤولت باخچا‌لی دا یایدیغی باش ساغلیغی مئساژیندا "میللتیمیزی آجی و کدره غرق ائدن بو فلاکت‌لی حادثه‌ده شهید اولان قهرمان‌لاریمیزا الله‌دان رحمت ، یارا‌لی قهرمان‌لاریمیزا شفا دیلییرم. اینانیریق کی، بو چتین گونلرین عهده سیندن بیرلیک و قارداش‌لیق ایچینده گلجییک" ایفاده‌لردن ایستیفاده ائدیب.

ایگی پارتی‌نین صدری مرال آک شنر ده "شهید اولان قهرمان اولادلاریمیزا الله‌دان رحمت، یارا‌لی عسگرلریمیزه عاجیل شفا دیلییرم" دئییب.