"اورهگیم، تورکیه خالقی و شهید عائلهلرینین یانیندا اولدو"
آلتون: ایستیو چابوت، تورکیه خالقینین واشینگتندان همیشه گؤرمهیی آرزولادیغی بیر دستک سوندو
تورکیه جمهورباشقانلیغی ایلهتیشیم باشقانی فخرالدین آلتون آمریکا کنگره عضوو ایستیو چابوتون سؤزلرینین تورکیه - آمریکا اتفاقینین ماهیتینی عکس ائتدیردیگینی سؤیلهدی.
آلتون سوسیال مئدیا حسابیندان ائتدیگی پایلاشمادا: "ایستیو چابوت، تورکیه خالقینین واشینگتندان همیشه گؤرمهیی آرزولادیغی بیر دستک سوندو. اونون سؤزلری تورکیه-آمریکا اتفاقینین ماهیتینی گؤستریر. بیز اؤنملی بیر ناتو متفیقی اولاراق سوریهدهکی گناهسیز اینسانلاری رژیم و تروریستلردن قوروماقداییق" دئدی.
ایستیو چابوت توئیتر حسابیندان یازمیشدی: "ناتو متفیقی تورکیه قوزئی باتی سوریهده گناهسیز وطنداشلاری ظالم اسد رژیمینه و اونون دستکچیلرینه قارشی مدافعه ائتمکده اؤن صفلردهدیر. تورکیه ۳۳ عسگرینین ادلبده شهید اولماسینین ۱.جی ایلدؤنومونده یاس توتارکهن منیم اورهگیم تورکیه خالقی و شهید عائلهلرینین یانیندا اولدو".