چاووش اوغلو:"میصر ایله دنیز صلاحیت ساحه‌لرینی موذاکیره ائده‌رک سازیش ایمضالایا بیلریک"
خاریجی ایشلر ناظیری مولود چاووش اوغلو علاقه‌لرین گئدیشاتینا باغلی اولا‌راق میصرایله دنیز صلاحیت ساحه‌لرینی موذاکیره ائده‌رک بیر موقاویله ایمضالایا بیله‌جک‌لرینی سؤیله‌ییب.
خاریجی ایشلر ناظیری مولود چاووش اوغلو علاقه‌لرین گئدیشاتینا باغلی اولا‌راق میصرایله دنیز صلاحیت ساحه‌لرینی موذاکیره ائده‌رک بیر موقاویله ایمضالایا بیله‌جک‌لرینی سؤیله‌ییب.
مولود چاووش اوغلو آنکارا-دا گؤروش‌لر کئچیرن گورجوستانین خاریجی ایشلر ناظیری داویت زالکالیانی ایله بیرگه مطبوعات کنفرانسی تشکیل ائدیب.
چاووش اوغلو 18 فوریه‌دا میصرین آغ دنیزینده نئفت و طبیعی گاز آختاریش ایشلری اوچون اعلان ائتدیگی لیسانس ساحه‌لریندن بیری اولان 18-جی ساحه ایله تورک قاره دیبی اراضی سرحدلرینی قبول ائتمه‌سی ایله باغلی سوالا جاوابن دئییب: "میصرین کئچن ایل یونانیستانلا آنلاشما ایمضالادیغی زاماندا دا تورکیه دنیزدیبی اراضی‌سی‌نین گونئی سرحدلرینه حؤرمت ائتدی. میصر بیزیم دنیزدیبی اراضیمیزه گیرمه‌دن اؤز دنیز ساحه‌سینده سیسمیک آراشدیرما و فعالیت‌لرینی داوام ائتدیریر. بیز بونو مثبت قارشیلاییریق".
چاووش اوغلو تورکیه و میصرین دوغو آغ دنیزینده ان اوزون ساحلی و سرحدلری اولان ایکی اؤلکه اولدوغونا دا دقت چکیب.
