"ایرانین، تورکیه‌نین قارشیسیندا دئییل، یانیندا یئر آلماسینی گؤزله‌ییریک"

ایرانین بغداد ائلچیسی مسجیدینین مصاحبه‌سین‌ده عراقداکی بؤلوجو ترور هؤرگوتو پ‌کاکا وارلیغینین یاراتدیغی تهدیده هئچ توخونمامیش اولماسینین دقت چکدیگی وورغولاندی

1592242
"ایرانین، تورکیه‌نین قارشیسیندا دئییل، یانیندا یئر آلماسینی گؤزله‌ییریک"

ایرانین آنکارا ائلچیسی محمد فرازمند، اؤلکه‌سینین بغداد ائلچیسی ایرج مسجیدی‌نین تورکیه‌نی عراقین اگمنلیگینی پورماقلا ائلشدیرن ایفاده‌لری سببی ایله خاریجی ایشلر باخانلیغینا چاغریلدی.

خاریجی ایشلر باخانلیغی، ایرانین تورکیه طرفین‌دن وئریلن ترورلا مباریزه‌نین قارشیسیندا دئییل، یانیندا یئر آلماسینین گؤزلندیگینی بیلدیردی.

دیپلوماتیک قایناقلاردان آلینان معلوماتا گؤره، ایرانین بغداد‌داکی ائلچیسی مسجیدینین بیر یایین قورولوشونا ۲۳ فوریه‌ده وئردیگی بیر مصاحبه‌ده، تورکیه‌نی عراقین اگمن‌لیگینی پوزماقلا ائلشدیرن ایفاده‌لر دیله گتیرمه‌سی اوزرینه ایرانین آنکارا ائلچیسی فرازمند بو گون خاریجی ایشلر باخانلیغینا چاغریلدی.

فرازمنده، ائلچی مسجدینین تورکیه‌نی عراقین اگمنلیگینی پوزماقلا متهم ائتدن آچیقلامالارینین قوتلی ایفاده‌لرله رد ائدیلدیگی، تورکیه‌نین عملیاتلارینین اساساً عراقین ثابیتلیگی، گوونلیگینی و اگمنلیگینی هدف آلان بؤلوجو ترور هؤرگوتو پ‌کاکا عنصورلارینا قارشی تئرروریزمه قارشی ترورلا مبارزه چرچیوه‌سینده یئریدیلدیگینین عراق مقاملاری داخیل هر کس طرفیندن بیلیندیگی بیلدیریلدی.

تورکیه‌نین عراقلا آراسیندا سون دؤورده گرچکلشدیریلن یوکسک سویه‌لی گؤروشمه‌لرده بؤلوجو ترور هؤرگوتو پ‌کاکانین اورتاق تهدید اولدوغو قونوسوندا آنلاییش بیرلیگی تامین ائدیلدیگی و ایرانین دا تورکیه‌نین ترورلا مبارزه‌سینین قارشیسیندا دئییل، یانیندا یئر آلماسینین گؤزلندیگی وورغولاندی.

اؤته یاندان، ایرانین بغداد ائلچیسی مسجیدینین سؤزوگئدن مصاحبه‌سین‌ده عراقداکی بؤلوجو ترور هؤرگوتو پ‌کاکا وارلیغینین یاراتدیغی تهدیده هئچ توخونمامیش اولماسینین دقت چکدیگی ده وورغولاندی.

ائلچی فرازمنده آیریجا عراق حکومتینین بؤلوجو ترور هؤرگوتو پ‌کاکا ایله موثر شکیل‌ده مبارزه ائده‌بیلمه‌سی اوچون، ترور هؤرگوتو ایله ایش‌بیرلیگی ایچینده اولانلار داخیل بوتون سلاحلی میلیس قروپلارین حکومتین کنترلونا آلینماسی یولونداکی چابالارا ایکی اؤلکه  اولاراق دستک وئریلمه‌سی لازیم اولدوغو خاطیرلاتیلدی.



ایلگیلی‌لی خبرلر