اردوغان: 'دونیا دیلی تورکجه' آدییلا بیر سفربرلیک اعلان ائدیریک
"تخمیناً ۱۲ میلیون مربع کیلومترلیک بیر جغرافیادا ۲۵۰ میلیونو تک ملت، تک اورک، تک بیلک حالینا گتیرهن تورکجه، دونیانین ان چوخ دانیشیلان ۵.جی بؤیوک دیلیدیر"
تورکیه پرزیدنتی رجب طیب اردوغان، جمهورباشقانلیغی ساراییندا تشکیل ائدیلهن "بیزیم یونوس" ایلی آچیلیش مراسیمینده دانیشدی. ۲۰۲۱.جی ایلین تورک تاریخی و مدنیتی باخیمیندان بیر چوخ اؤنملی ایلدؤنومونو ایچینه آلدیغینا ایشاره ائدن اردوغان، "بو ایل ایستیقلال مارشیمیزین قبول ائدیلمهسینین ۱۰۰ ایلیگینین یانیندا حاجی بکتاش ولینین اؤلومونون ده ۷۵۰.جی ایلدؤنومودور. یئنه ۲۰۲۱.جی ایلی یونوس امرهنین اؤلومونون ۷۰۰.جو ایلدؤنومودور. بیزیم اوچون بئله اؤنملی بیر ایل اولان ۲۰۲۱ ایلی معناسینا لایق بیر شکیلده قوتلاماق ایستهدیک. ۲۰۲۱ ایلینی ایستیقلال مارشی، یونوس امره و حاجی بکتاش ولی ایلی اعلان ائتدیک" دئدی.
یونوس امرهنین هم ده گؤزل تورکجهنین معماری اولدوغونو وورغولایان اردوغان، "او، تورکوستاندا احمد یسوی و درویشلرینین حکمتلری ایله باشلایان یولو گلیشدیردی. تورکجهنی بیر سئوگی و معنا دیلی ائتدی. اونون بیزه بوراخدیغی ان بؤیوک میراث هر بیر دیزهسینین کلمه کلمه، هر بیر کلمهسینین هئجا هئجا، هر بیر هئجاسینین حرف حرف بوداقلاناراق ۷۰۰ ایللیک تاریخیمیزی بیزیم قیلان تورکجهمیزدیر" دئدی.
تورکجهمیزی دونیا دیلی حالینا گتیرمهلیییک""
اردوغان، دیلینی ایتیرهن بیر میللتین حافظهسینی، کیملیگینی و حتی اینانجینی ایتیرجگینه دقت چکهرک، "آنا دیلی ایله باغلاری ضعیفلهین توپلوملار زامانلا سورولشمهسی، سؤمورگهلشمهسی، کیملیکسیز حالا گلمهسی قاچیلمازدیر. دونیا تاریخی هابئله تورک تاریخینه باخدیغیمیزدا بونون ساییسیز نمومهسینی گؤرهبیلریک. اونوتمایین وطنی اؤنجه دیل سونرا اوردو قورویار. بونون اوچون تورکجهمیزه صاحب چبخمالیییق. سادهجه اؤزوموز صاحب چیخماقلا قالمامالی، تورکجهمیزی دونیا دیلی حالینا گتیرمهلیییک" گؤروشونو پایلاشدی.
تخمیناً ۱۲ میلیون مربع کیلومترلیک بیر جغرافیادا ۲۵۰ میلیونو تک ملت، تک اورک، تک بیلک حالینا گتیرهن تورکجهنین دونیانین ان چوخ دانیشیلان ۵.جی بؤیوک دیلی اولدوغونا دقت چکهن اردوغان، "بو گون ۳۵ آیری اؤلکهده یا آنا دیل یا ایکینجی دیل یا دا خاریجی دیل اولاراق تورکجه ایله آنلاشیلابیلیر. وطنلری،بایراقلاری، دؤولتلری آیری اولان یوز میلیونلارجا اینسانی عینی کؤنول کؤلگهسینده بیر آرایا گتیرهن تورک دیلیدیر" دئیه دانیشدی.