آکسوی: هئچ بیر دؤولت و یا هئچ کیم تورکیه محکمه‌لرینه امر وئره بیلمز
تورکیه هئچ بیر دؤولت و یا کیمسه‌نین تورکیه محکمه‌لرینه محاکمه سوره جلری باره‌ده امر وئره بیلمه‌یه‌جگینی بیلدیریب.
تورکیه هئچ بیر دؤولت و یا کیمسه‌نین تورکیه محکمه‌لرینه محاکمه سوره جلری باره‌ده امر وئره بیلمه‌یه‌جگینی بیلدیریب.
خاریجی ایشلر ناظیرلیگی‌نین سؤزچوسو حامی آکسوی امریکا خاریجی ایشلر ناظیرلیگی‌نین سؤزچوسو ند پرایس‌ین تورکیه-ده اولان عثمان کاوالانین سربست بوراخیلماسی‌نین لازیم گلدیگی باره‌دکی آچیقلاماسینا رئاکسیا گؤستریب.
آکسوی وئردیگی یازی‌لی آچیقلاماسیندا سربست بوراخما چاغیریشی‌نین 28 ژوئیه 2020-جی ایل تاریخینده جاوابلاندیریلدیغینی خاطیرلادا‌راق، عینی مضمون‌داکی ایکینجی آچیقلامانین دا حقوق دؤولتی اساسینا ضد اولدوغونو وورغولاییب.
آکسوی عثمان کاوالا باره‌سینده موستقیل محکمه‌لر طرفیندن داوام ائتدیریلن محکمه سوره جلرینین داوام ائتدیگینی و هر کسین بو پروسه لره حؤرمت گؤسترمه‌سی‌نین واجیب‌لیگینی قئید ائدیب:
"آوروپا اینسان حاق‌لاری محکمه‌سی‌نین کاوالا ایله باغلی قراری‌نین ایجراسی‌نین تعقیبی آوروپا شوراسی نماینده‌لر کومیته‌سی‌نین اینسان حقوق‌لاری ایجلاسیندا رئاللاشدیریلماقدا‌دیر. حکومتیمیز بو چرچیوه‌ده لازیمی معلومات‌لاری وئریر".
حامی آکسوی تورکیه دموکراسی‌سینه چئوریلیش تشببوسو ائدن فتح الله چی ترور تشکیلاتی باشچی‌سی‌نین تورکیه-یه تحویل وئریلمه‌سی مسئله سینده قانونی پروسه لری بهانه گوسترن بیر اولکه نین تورکیه-ده داوام ائدن بیر حقوقی مسئله‌یه موداخیله ائتمه جهدی‌نین اساس‌سیز و معنا‌سیز یاناشما اولدوغونا دقت چکیب.
حامی آکسوی "تورکیه بیر حقوق دؤولتی‌دیر. هئچ بیر دؤولت و یا کیمسه تورک محکمه‌لرینده کی محکمه سوره جلری باره‌ده امر وئره بیلمز" دئییب.
ایلگیلی‌لی خبرلر
اردوغان پوتین ایله تیلفون‌دا دانیشیب
تیلفون دانیشیغیندا تورکیه-روسیه ایکی‌طرف‌لی علاقه‌لری، بؤلگه و دونیا قونولاری موذاکیره ائدیلیب
