تورکیه-‌نین ایچ ایشلرینه موداخیله ائتمه‌یه جهد ائتمک هئچ کسین حدی دئییل‌دیر

بونو خاریجی ایشلر ناظیرلیگی ایستانبول-‌داکی بوغازیچی بیلیم یوردوندا باش وئرن حادثه‌لره دایر یاییلان بعضی بیانات‌لارلا علاقه‌دار وئردیگی آچیقلامادا بیلدیریب.

1577265
تورکیه-‌نین ایچ ایشلرینه موداخیله ائتمه‌یه جهد ائتمک هئچ کسین حدی دئییل‌دیر

تورکیه-‌نین ایچ ایشلرینه موداخیله ائتمه‌یه جهد ائتمک هئچ کسین حدی دئییل‌دیر.

بونو خاریجی ایشلر ناظیرلیگی ایستانبول-‌داکی بوغازایچی بیلیم یوردوندا باش وئرن حادثه‌لره دایر یاییلان بعضی بیانات‌لارلا علاقه‌دار وئردیگی آچیقلامادا بیلدیریب.

خاریجی ایشلر ناظیرلیگی‌نین آچیقلاماسیندا تورکیه-‌ده توپلانتی و نوماییش کئچیرمه حاقی ایله ایفاده آزادلیغی‌نین آنایاسا ایله ضمانت آلتینا آلیندیغی وورغولانیب.

آچیقلامادا تهلوکه‌سیزلیک قوه‌لرینین بو گونه قدر هر حادثه‌ده اولدوغو کیمی قانونلا وئریلن صلاحیت ایله وظیفه‌لرینی و عهده ‌لیک‌لرینی یئرینه یئتیرمه‌یه داوام ائدجگینه دقت چکیلیب و بیلدیریلیب کی، بیلیم یوردو خاریجیندن و ترور تشکیلاتینا باغلی دایره‌لرین سیزما و تحریک جهدلری آشکار ائدیلدی و اعتراض ائتمک حقوقونو آشان بو قانون‌سوز حرکت‌لره قارشی قانون‌لاریمیز چرچیوه‌سینده لازیم‌لی و نیسبت‌لی تدبیرلر گؤرولور. قانون‌سوز یول‌لارا اوز توتان قروپ‌لاری تحریک ائدن و قانون‌سوز حرکت‌لری تشویق ائدن دیلدن ایستیفاده ائدیلمه‌مه‌سی باره‌ده بو دایره‌لری خبردار ائدیریک دئییله‌رک یاخین دؤنمده "اینکیشاف" ائتمیش دموکراسی اولا‌راق آدلان‌دیریلان بیر چوخ اؤلکه‌لرده رهبرلیک‌لر علیهینه ان کیچیک بیر اعتراضا قارشی بئله گوناه‌سیز و سیویل وطنداش‌لارا قارشی تهلوکه‌سیزلیک قوه‌لری‌نین نیسبت‌سیز زوراکی‌لیق گؤرونتولری هله ده حافظه لرده قالیب.

بوغازایچی بیلیم یوردوندا باش وئرن حادثه‌لری و تورکیه-‌نین بو حادثه‌لره قارشی قانون چرچیوه‌سینده آپاریلدیغی موباریزنی گؤرمه‌مزلیک‌دن گله‌رک تورکیه-‌یه دموکرسی و حقوق درسی وئرمک ایسته‌ین‌لره گوزگویه باخما‌لارینی توصیه ائدیریک.

آچیقلامادا تورکیه-‌نین آنایاسادا ضمانت آلتینا آلینان تمل حقوق‌لارین اولدوغونو و آزادلیغین قورونماسی ایراده‌سینی رئاللاشدیردیغی و بونو اصلاحات‌لارلا اورتایا قویدوغو ایفاده ائدیله‌رک، بونونلا یاناشی ترور تشکیلات‌لاری و ترورچولارلا علاقه‌سی اولان دایره‌لردکی سوء-ایستیفاده‌لره قارشی موباریزه‌سینی داوام ائتدیرمکده ده قرارلی اولدوغو وورغولانیب.



ایلگیلی‌لی خبرلر