تورکیه:"امریکا و روسیانین اتم گوج‌لرینی محدودلاش‌دیران قرارینی دستکلییریک"

"امریکا و روسیا فدراسیونونون 5 فوریه 2021-جی ایلده بیته‌جک "یئنی باشلانغیج" موقاویله مودتی‌نین 5 ایل اوزادیلماسی قرارینی آلقیشلاییریق و دستکلییریک".

1577268
تورکیه:"امریکا و روسیانین اتم گوج‌لرینی محدودلاش‌دیران قرارینی دستکلییریک"

تورکیه امریکا ایله روسیا آراسیندا استراتژی هوجوم سلاح‌لارینین محدودلاشدیریلماسینی نظرده توتان "یئنی استارت" موقاویله‌سی‌نین مودتی‌نین داها 5 ایل اوزادیلماسینی ممنونونلا قارشیلادی.

خاریجی ایشلر ناظیرلیگی‌نین سؤزچوسو حامی آکسوی امریکا و روسیانین "یئنی باشلانغیچ" (یئنی ایستارت) موقاویله‌سی‌نین مودتی‌نین داها 5 ایل اوزاتما قراری ایله باغلی سوالا وئردیگی جاوابیندا دئییب:

"امریکا و روسیا فدراسیونونون 5 فوریه 2021-ده بیته‌جک "یئنی باشلانغیچ" سازیشی‌نین مودتینی داها 5  ایل اوزادیلماسی قرارینی آلقیشلاییریق و دستکلییریک. امریکا و روسیانین اتم گوج‌لرینی محدودلاش‌دیران "یئنی باشلانغیچ" موقاویله‌سی ایکی اؤلکه آراسیندا استراتژی ثابت‌لیگی تعمین ائدن قوه‌ده اولان سون راضیلاشما اولماسی ایله قلوبال اهمیته صاحب‌دیر. اومید ائدیریک کی، آتیلان بو واجیب آدیم سلاح‌لارا نظارت رژیمی‌نین گوجلندیریلمه‌سینه و قلوبال تهلوکه‌سیزلیک پروبلئم‌لرینه قارشی موباریزه‌یه کؤمک ائده‌جک‌دیر".

خاطیرلاداق کی، امریکا ایله روسیا آراسیندا استراتژی هوجوم سلاح‌لارینین محدودلاشدیریلماسینی نظرده توتان "یئنی باشلانغیچ" موقاویله‌سی‌نین اوزادیلماسینا دایر سازیش طرف‌لر آراسیندا نوتا موبادیله‌سیندن سونرا فوریه نین 3-ده قوه‌یه مینیب.

ژانویه‌نین 26-دا طرف‌لر موقاویله‌نین مودتینی اوزاتماقلا باغلی دیپلوماتیک نوتا موبادیله‌سینی آپاردی‌لار. همین گون پرزیدنت‌لر جو بایدن ایله ولادیمیر پوتین تلفون صحبتی زامانی بوندان ممنون اولدوق‌لارینی ایفاده ائدیب‌لر.



ایلگیلی‌لی خبرلر