اردوغان: اؤلکهمیزی آیدینلیق بیر گلهجهیه حاضیرلاییریق
"تروره، اخلاقسیزلیغا، آزغینلیغا و خشونته قاریشمادیغی مدتجه هر بیر فیکره و گؤروشه سایغیلیییق"
جمهورباشقانی و عدالت و قالخینما پارتیسی (آک پارتی) باشقانی رجب طیب اردوغان،
"تورکیهنین چتین دوروما دوشمهسینی، اقتصادی بحرانا سوروکلنهسینی اومانلارا قارشی اؤلکهمیزی آیدینلیق بیر گلهجهیه حاضیرلاییریق" دئدی.
اردوغان پارتیسینین آدانا، آنتالیا، بورسا و موغلا کنگرهلرینه جانلی باغلانتی ایله قاتیلدی.
پرزیدنت،
"نقلیات، انرژی یاتیریملاری، اثر و خیدمت سیاستیمیزین یئنی نشانهلری اولاراق اؤلکهمیزین دؤرد بیر طرفینده یوکسلیر. یاتیریم چالیشمالاریمیزی عزم ایله داوام ائتدیریریک" ایفادهلرینی ایشلتدی.
"تروره، اخلاقسیزلیغا، آزغینلیغا و خشونته قاریشمادیغی مدتجه هر بیر فیکره و گؤروشه سایغیلیییق" دئین اردوغان،
"بیرلیگیمیزی و برابرلیگیمیزی هدف آلان بوتون سالدیریلارا باخمایاراق، میلتیمیز یئنه ده گلهجگینی آک پارتیده و جمهور اتفاقیندا گؤرور" شکلینده دانیشدی.