علی ارباش دانیمارکا-دا مسجیده ائدیلن هوجومو قیناییب

تورکیه-ده دین ایشلری اوزره ایداره‌نین رهبری علی ارباش دانیمارکا-‌داکی آبنرا مسجیدینه ائدیلن هوجومو قیناییب.

ارباش توییتر حسابینداکی پای‌لاشیمیندا قئید ائدیب کی، دانیمارکا-‌داکی آبنرا مسجیدینه ائدیلن آلچاق هوجومو شدتله قیناییرام. گوندن-گونه آرتان ایسلاموفوبیا دوشونجه‌یه صاحیب عیرقچی قروپ‌لارین فعالیت‌لرینه سون قویماسینی و جینایتکارلارین ان قیسا زاماندا عدالت قارشی‌سینا چیخاریلماسینی گؤزلییریک.