مولود چاووش اوغلو آوروپا بیرلیگی رسمیلری ایله گؤروشوب
تورکیه-نین خاریجی ایشلر ناظیری مولود چاووش اوغلو آوروپا بیرلیگینه تام حقوق‌لو عضولوک سوره جی‌نین جانلاندیرماسی‌نین واجیب‌لیگینی وورغولاییب.
تورکیه-نین خاریجی ایشلر ناظیری مولود چاووش اوغلو آوروپا بیرلیگینه تام حقوق‌لو عضولوک سوره جی‌نین جانلاندیرماسی‌نین واجیب‌لیگینی وورغولاییب.
بلژیک-ین پایتاختی بروکسل-ده گؤروشلر کئچیرن مولود چاووش اوغلو آوروپا بیرلیگی‌نین خاریجی علاقه لر و تهلوکه‌سیزلیک سیاستی اوزره عالی نومایندسی جوزف بورل ایله بیر آرایا گلدیکدن سونرا آوروپا بیرلیگی کمیسیونونون صدری اورسولا وان در لین، آوروپا بیرلیگی-نین کمیسیونونون صدر معاوینی مارگاریتیس شیناس، آوروپا بیرلیگی-نین ایچ مسئله لر اوزره رسمی‌سی یلوا یوهانسون و آوروپا بیرلیگی-نین قونشولوق سیاستی و گئنیشلنمه دانیشیغ‌لاری اوزره کمیساری اولیور وارهلی ایله گؤروشوب.
مولود چاووش اوغلو داها سونرا رسمی اینترنت صحیفه سینده پای‌لاشیم ائدیب.
"تام حقوق‌لو عضولوک سوره جی جانلاندیریلمالیدیر" دئین مولود چاووش اوغلو گؤمروک بیرلیگی‌نین گوجلندیریلمه‌سی‌نین و ویزا رژیمی‌نین ساده لشدیریلمه‌سی‌نین اهمیتینی وورغولاییب. مولود چاووش اوغلو بیلدیریب کی، دوزنسیز کوچ و تررورلا موباریزدکی امکداشلیغیمیزی گوجلندیرمه‌لیییک. آوروپادا آرتان عیرقچی‌لیک، آیری-سئچکی‌لیک و ایسلام دوشمنچیلیگی ایله موباریزه آپارمالیییق.
مولود چاووش اوغلو جوزف بورل ایله کئچیردیگی گؤروشله باغلی ائتدیگی پای‌لاشیمدا دا بو ایفادلره یئر وئریب: "آوروپا بیرلیگی ایله یئنی صحیفه آچماق ایستییریک. 2016-جی ایلین 18 مارس تاریخینده الده اولونان موقاویله یئنی‌لنمه‌لی‌دیر. مثبت گوندم اوچون بیرلیکده ایشلمه لیییک. آوروپا بیرلیگی شوراسی وکمیسیون صدرلرینین سفرینین حاضیرلیق‌لارینی موذاکیره ائتدیک".
آوروپا بیرلیگی کمیسیونونون صدری اورسولا وان در لین ایسه ائتدیگی پای‌لاشیمدا دئییب: "دیالوق شرطدیر".
آوروپا بیرلیگی کمیسیونونون صدری معاونی مارگاریتیس شیناس دا ائتدیگی پای‌لاشیمدا بیلدیریب کی، مثبت آدیم آتماغین واختی گلدی.
