تورکیه ممنونیتله قارشیلاییب

تورکیه بمت باش کاتیبی‌نین لیبی اوزره خصوصی نوماینده‌سی وظیفه‌سینه اسلواکی-یالی یان کوبیس‌ین تعیین ائدیلمه‌سینی ممنونیتله قارشیلاییب.

خاریجی ایشلر ناظیرلیگی‌نین بونونلا باغلی بیاناتیندا اسلواکیا-دا اول‌لر خاریجی ایشلر ناظیری وظیفه‌سینی ایجرا ائدن یان کوبیس‌ین سون اولا‌راق بمت-نین لیبی اوزره خصوصی کووردیناتورو وظیفه‌سی ایجرا ائتدیگی و بیر چوخ بولگه سل و اولوسلار آراسی تشکیلات‌لاردا اهمیت‌لی و چتین مسئولیت‌لری اوزرینه گؤتوردوگو وورغولانیب.

کوبیس‌ین تجروبه‌سی و بیلیگی ایشیغیندا لیبی-ده داوام‌لی باریش‌ین و ثابیتلیگین برقرار اولماسی اوچون میللی راضیلاشما سعی‌لرینه اهمیت‌لی تحفه‌سی‌نین اولاجاغینا اینانیریق" ایفاده‌لری‌نین یئر آلدیغی بیاناتدا تورکیه-‌نین لیبی-ده سیاسی حل یولونون تامینی مقصدیله کوبیس‌ین سعی‌لرینی دستکله‌یه‌جگی قئید ائدیلیب.

بیاناتدا کوبیسه یئنی وظیفه‌سینده اوغورلار دیلنیب، بو وظیفه‌نی بیر مودت‌دیر موقتی ایجرا ائدن استفانی توركو ویلیامز دا فعالیت‌لرینه گؤره تشککور ائدیلیب.

بمت باش کاتیبی آنتونیو گوترش کوبیسی غسان سلامه نین استعفاسیندان سونرا 18 ژانویه ده اوزون مودت بوش قالان وظیفه‌یه تعیین ائتدیگینی آچیقلاییب.