اردوغان: بیر یئردن ایجازه آلاراق آددیم آتمیریق

باشباخان رجب طیب اردوغان، آوروپا بیرلیگینین بو گونه قدر تورکیه‌یه سؤز وئرجگینی سؤیله‌دی.
پرزیدنت اردوغان ایستانبول‌دا مطبوعات منسوبلارینا آچیقلامالار وئردی.
دونن ووردوردوغو یئنی نسیل کوروناویروس آشی‌سی ایله ایلگیلی هئچ بیر یان عارضه‌سینین اولمادیغینی ایضاح ائد‌ن اردوغان، ۲۸ گون سونرا ایکینجی بیر دوز ووردوراجاغینی بیلدیردی.
تورکیه-آوروپا بیرلیگی ایلیشکیلرینه توخونان اردوغان،

"۱۹۶۳دن بری هر زامان آوروپا بیرلیگی ایله ایلیشکیلریمیزی اولوملو ایستیقامت‌ده آپارماغا چالیشدیق. تأسف کی، آوروپا بیرلیگی بو گونه قدر وئردیگی سؤزلری توتمادی. ایندی ایسه یئنی بیر سوره‌ج ایچینده‌ییک. ایکی‌لی گؤروشمه‌لریمیز فعال بیر شکیلده داوام ائدیر" دئدی.
تورکیه‌نین روسیادان اس-۴۰۰ هاوا ساوونما سیستملرینی تامین ائتمه‌‌سی ندنی ایله، آمریکانین اینجیکلیگینی دگرلندیرن اردوغان،
"ساوونما صنایعین‌ده آتاجاغیمیز آددیملاری هئچ بیر اؤلکه معین ائده‌بیلمز. بو تامامیله بیزیم قراریمیزا باغلی‌دیر. روسیا ایله اس۴۰۰لرله ایلک پاکئتی حل ائتمیشدیک. ایکینجی پاکئت داوام ائدیر. آیین سونون‌دا روسیا ایله گؤروشمه‌میز اولاجاق. بورادا بیر چوخ قونونو ذاکیره ائدجییک. بایدن یؤنتیمینین بو آندا نه دئیه‌جگی، بیز بونلاری بیلمه‌ریک. بیزیم دئیه‌جک بیر شئی وار. ساوونما قونوسوندا آددیملاریمیزی بیر یئردن ایجازه آلاراق آتمیریق. بیر ناتو اؤلکه‌سی اولاراق، ناتودا بیرلیکده اولدوغوموز اؤلکه‌لرین بیزه یؤن وئرمه‌سینی هئچ واخت قبول ائده‌بیلمریک" دئیه دانیشدی.
تورکیه‌نین اف-۳۵ ساواش اوچاقلارینین پولونو اؤده‌دیگی حالدا آمریکادان بو اوچاقلاری هله ده  وئریلمه‌دیگینی ایفاده ائد‌ن اردوغان،
"آمریکانین متفیق بیر اؤلکه اولاراق بیزه قارشی ائتدیی بؤیوک بیر یانلیشدیر. اومود ائدیره‌م کی، بایدن دانیشیقلاردان سونرا چوج داها مثبت آددیملار آتار" دئدی.