تورکیه‌دن قاراباغ آچیقلاماسی

تورکیه، ارمنی عنصورلارین داغلیق قاراباغدا آتیش‌کسی پوزدوغونو بیلدیردی.
دیش ایشلری باخانلیغی سؤزچوسو  حامی آکسوی، داغلیق قاراباغدا سلاح بوراخمایی و گئری چئکیلمه‌یی رد ائدن ارمنی عنصورلارین آذربایجان سلاحلی گوجلرینه قارشی سالدیریلارینین، 9 نوامبر 2020 تاریخلی اوچلو بیلدیری ایله گتیریلن آتیش‌کس رژیمینین آچیق پوزومو اولدوغونو بیلدیردی.  
داها اؤنجه 26 نوامبر، 8، 11 و سون اولاراق 27 دسامبر گونو ، ارمنی سلاحلی عنصورلارین سالدیریلاری سونوجوندا نظامی و غیرنظامی ایتکیلر و یارالانمالار اولدوغونو بیلدیرن آکسوی،
"اوچلو  بیلدیرینین امضاچی‌سی اولاراق، بوتون سلاحلی ارمنی عنصورلارین چئکیلمه‌سینین و آتیش‌کسه اویوماسینین اصلی مسئولیتی ارمنستاندادیر. آذربایجان طرفی، ارمنی سلاحلی عنصورلارینین بو تخریباتینا قارشی مشروع مدافعه حاقینی قوللاناراق لازم اولان قارشیلیغی وئرمیشدیر.
آکسوی آیریجا سالدیریلاردا حیاتینی ایتیرن آذربایجان وطنداشلارینا رحمت و بوتون آذربایجان خالقینا باش ساغلیغی دیله‌دی.