"اوروچ رئیس" 15 ژوئن 2021-جی ایلدک وظیفه‌ده
"اوروچ رئیس" گمیسینین فعالیت مودتی اوزادیلیب.
"اوروچ رئیس" سیسمیک آراشدیرما گمیسینین آغ دنیزی‌نین دوغوسوندا فعالیت گؤسترجگی آلان اوچون 15 ژوئن 2021-جی ایل تاریخینه‌دک داوام ائده‌جک یئنی "ناوتکس" (دنیزچی‌لره اعلان) اعلان ائدیلیب.
اعلانا گؤره، "اوروچ رئیس" سیسمیک آراشدیرما گمیسینین مودتی 15 ژوئن 2021-جی ایلدک اوزادیلان آغ دنیزی‌نین دوغوسونداکی فعالیت‌لرینه "آتامان" و "جنگیزخان" آدلی گمی‌لر ائشلیک ائتمه‌یه داوام ائده‌جک‌لر.
"اوروچ رئیس" گمیسینین داها اول 29 نوامبر 2020-دک بؤلگه‌ده فعالیت گؤسترجگی بیان ائدیلمیشدی.
"اوروچ رئیس" سیسمیک آراشدیرما گمی‌سی طبیعی قایناق آختاریش‌لاری باشدا اولماقلا، 2 و 3 اؤلچولو بیر سیرا آراشدیرما‌لار آپارماق ایمکانی اولان مکانیزم‌لره مالیک‌دیر. بئله کی، گمی 8 مین متر درین‌لیگه قدر 3 اؤلچولو، 15 مین متر درین‌لیگه قدر ایسه 2 اؤلچولو سیسمیک عملیات‌لار رئاللاشدیریر. "اوروچ رئیس" دونیادا تام تجهیزات‌لی و چوخ مقصدلی نادیر آراشدیرما گمی‌لریندن بیری‌دیر.
