عمر چلیک: "پ.کا.کا-نین سون هوجوم‌لاری کوردلره قارشی دوشمنچیلیگین گؤستریجی‌سی‌دیر"

عدالت و اینکیشاف پارتیسی‌نین سؤزچوسو عمر چلیک پارتی‌نین نؤوبتی توپلانتی‌سیندان سونرا ژورنالیست‌لرین سوال‌لارینی جاوابلاندیریب.

1550626
عمر چلیک: "پ.کا.کا-نین سون هوجوم‌لاری کوردلره قارشی دوشمنچیلیگین گؤستریجی‌سی‌دیر"

"ترور تشکیلاتی پ.کا.کا-نین قوزیی عراق-داکی سون هوجوم‌لاری کوردلره قارشی دوشمنچیلیگین گؤستریجی‌سی‌دیر".

عدالت و اینکیشاف پارتیسی‌نین سؤزچوسو عمر چلیک پارتی‌نین نؤوبتی توپلانتی‌سیندان سونرا ژورنالیست‌لرین سوال‌لارینی جاوابلاندیرارکن بئله دئییب.

پ.کا.کا-نین کوردلره قارشی دوشمنچی‌لیگی‌نین گؤستریجی‌سی اولا‌راق سون زامان‌لاردا قوزیی عراق-داکی قوه‌لره هوجوم ائتدیگینی بیلدیرن چلیک بون‌لاری دئییب:

"(پ.کا.کا-نین سوریه-ده کی قولو) پ.ی.د/ی.پ.گ سوریه-نین قوزیی ینده، عینی شکیلده عراق-ین قوزیی ینده  مسکونلاشمیش خالق‌لارا، ایستر تورکمن اولسون، ایسترسه عرب و یا کورد اولسون، آیری-سئچکی‌لیک ائتمه‌دن بو دوشمنچی‌لیگی داوام ائتدیریر. پ.کا.کا-نین اورادا قورماغا جهد ائتدیگی توتالیتار قورولوشا باش ایمه‌ین هر کس بو دوشمنچی‌لیک‌دن اذیت چکیر. نتیجه‌ده قوزیی عراق-دا کوردلرین یاشادیغی بؤلگه‌دکی تهلوکه‌سیزلیک قوه‌لرینه هوجوم ائده‌رک اصلینده بؤلگه‌ده هانسی سویه‌ده بیر ثابت‌سیزلیک عنصورو اولدوغونو بیر داها نوماییش ائتدیردی. بو باخیمدان تورکیه-‌نین پ.کا.کا ترور تشکیلاتی ایله موباریزه‌سی اینسانلیغا قارشی جینایت ایشله‌ین بیر نیفرت تشکیلاتی ایله هم اؤز میللی تهلوکه‌سیزلیگینی تامین ائتمک باخیمیندان، هم اینسانلیغا قارشی ایشلنن بو جینایت‌لرین قارشی‌سینی آلماق باخیمیندان سون درجه یوکسک مشروعیته صاحیب بیر موباریزه‌دیر. پ.کا.کا و دیگر ترور تشکیلات‌لارینا قارشی موباریزه فاصیله‌سیز اولا‌راق، هئچ بیر یومشاما و یاواشلاما اولما‌دان عینی شکیلده داوام ائده‌جک‌دیر".

روسیا، تورکیه، آذربایجان، ایران، گورجوستان و ائرمنیستانین دا قاتیلا بیله‌جگی پلاتفورما ایله بولگه ده باریشی برقرار ائتمک تکلیفینی رئاللاشدیرمانین مومکونلوگوندن ده دانیشان عمر چلیک دئییب کی، بونون اوچون ائرمنیستان تجاووزکارلیق پلانلاریندان‌ ال چکمه‌لی‌دیر: "حاضیردا بو ایستیقامتده یارادیلان مکانیزم تکمیللشدیریلیر".

چلیک بیلدیریب کی، آذربایجانین اؤزونه عایید اولان تورپاق‌لاری یئنی‌دن گئری آلماسی مینسک قروپونون ترکیبینده اولان و اولمایان بعضی اؤلکه‌لرده ناراحات‌لیق یارادیب: "بو باخیمدان بلژیک نماینده‌لر پالاتاسی‌نین قاراباغ و تورکیه ایله باغلی اساس‌سیز، غرضلی اتهام‌لاری قبول ائدیلن دئییل. فرانسا دا بو مسئله‌ده اؤنملی رول اویناماق ایستییرسه، دوغرو اولانی دئمه‌لی‌دیر".



ایلگیلی‌لی خبرلر