جمهور باشقانی اردوغان:"تورکیه بوتون مظلوم و گوناهسیزلارا اومید وئریر"
بونو جمهور باشقانی و عدالت و اینکیشاف پارتیسینین (آک پارتی) رهبری رجب طیب اردوغان تورکیه بؤیوک میللت مجلیسیندکی قروپ ییغینجاغیندا پارتی عضولرینه مراجعتینده دئییب.
بونو جمهور باشقانی و عدالت و اینکیشاف پارتیسینین (آک پارتی) رهبری رجب طیب اردوغان تورکیه بؤیوک میللت مجلیسیندکی قروپ ییغینجاغیندا پارتی عضولرینه مراجعتینده دئییب.
"بوگون تورکیه دئییلنده آغلا ایلک اولاراق اینسانلیق، عدالت، حیثیتلی خاریجی سیاست گلیر" ایفادهلرینی ایشلهدن جمهور باشقانی "تورکیه-نین ماراقلارینی مودافعه ائتمک اوچون لازیم اولاندا بدلینی اؤددیک، چتینلیک چکدیک، آنجاق ظالملار قارشیسیندا اصلا باش ایمدیک. بو گون تورکییه دئییلنده آغلا ایلک اولاراق اینسانلیق، عدالت، حیثیتلی خاریجی سیاست گلیر. اؤلکهمیز پرینسیپ، قرارلی و ویجدانلی سیاستی ایله افریقادان آسیایادک بوتون مظلوم و گوناهسیزلارا اومید وئریر. آی-اولدوزلو آل بایراغیمیز میللتیمیزین بوتون دونیادا ظلمه قارشی دیک دوروشونو تمثیل ائدیر” دئییب.
اردوغان وورغولاییب کی، تورکیه داغلیق قاراباغ-دا 30 ایلدیر گؤز یومولان ایشغالین سونا چاتدیریلماسینا تحفه وئریب: "امریکا، روسیا و فرانسادان عبارت آتت-ین مینسک قروپو 30 ایلدیر بو مسئلهنی حل ائده بیلمهییب و آذربایجانلی قارداشلاریمیزی اؤز تورپاقلاریندان قاچقین وضعیتینه سالیبلار. سوندا آذربایجانلی قارداشلاریمیز اؤز گؤبکلرینی اؤزلری کسدیلر و اراضیلرینه قوووشدولار".
"قونشولاریمیز باشدا اولماقلا، هئچ کیمین اراضیسینده و اگمنلیگینده گؤزوموز یوخدور. بیز سادهجه اؤلکهمیزین حاقینا، حقوقونا، اگمنلیگینه یؤنهلن تهدیدلرله موباریزه آپاریریق. میللتیمیزله برابر قیبریس و آذربایجان تورکلرینین منفعتلرینی قوروماغا چالیشیریق" -دئیه جمهور باشقانی قئید ائدیب.
جمهور باشقانی رجب طیب اردوغان "آوروپا و امریکا ایله علاقهلریمیزی اینکیشاف ائتدیررکن تورک دونیاسی، آسیا، لاتین امریکاسی و افریقا ایله علاقهلره هئچ واخت لاقئید اولا بیلمریک. آنجاق بوتون سعیلریمیزه باخمایاراق، 2020-جی ایل آوروپا و امریکا ایله علاقهلریمیزین صونعی گوندملرله سیناندیغی بیر ایل اولدو" ایفادهسیندن ایستیفاده ائدیب.
جمهور باشقانی اردوغان تورکیه-نین هم دوغو آغ دنیزی مسئلهسینده، هم ده (روسیادان ساتین آلیندی) اس-400 سیستملری مؤوضوع سوندا حاق ائتمهدیگی ایکیلی ایستاندارتلار قارشیلاشدیغینی بیلدیرهرک، "یئنی ایلده امریکا و آوروپا ایله موناسیبتلریمیزده یئنی بیر صحیفه آچماق ایستییریک" دئییب.