اردوغان: "کرکوک-جیهان نفت کمرینین تعمیری تز بیر زاماندا باشا چاتمالیدیر"
جمهور باشقانی اردوغان آنکارادا سفرده اولان عراق-ین باش ناظیری مصطفی الکاظیمی ایله بیرگه مطبوعات کنفرانسی کئچیردی
جمهور باشقانی رجب طیب اردوغان نه تورکیه-نین نه عراق-ین، نه ده سوریه-نین گله جگینده بؤلوجو ترورون اصلا یئرینین اولمادیغینی سؤیلهدی.
جمهور باشقانی اردوغان آنکارادا سفرده اولان عراق-ین باش ناظیری مصطفی الکاظیمی ایله بیرگه مطبوعات کنفرانسی کئچیردی.
جمهور باشقانی اؤز نؤوبهسینده تورکیه اولاراق عراق-ین سیاسی بیرلیگی، اراضی بوتؤولوگو و تهلوکهسیزلیگینین طرفداری اولدوقلارینی وورغولایاراق، اؤلکهنین برپاسی اوچون تورکیه-نین الیندن گلهنی ائدجگینی بیلدیردی.
"عراق ایله اورتاق دوشمنیمیز داعش، پ.کا.کا و فتؤ ترور تشکیلاتی ایله بیرگه موباریزنی گوجلندیرجییک. عراق ناظیرلرینین تررورا قارشی موباریزهسینی تقدیر ائدیریک. تورکیه اولاراق قانونی مودافیعه حاقیمیز چرچیوهسینده عراق-لی قارداشلاریمیزا دستک وئرجییک. نه تورکیه، نه عراق، نه ده سوریه بؤلوجو ترور تشکیلاتلارینین فعالیتینین گئنیشلنمهسینه یول وئرمهیهجک. بولگه میزده قان، گؤز یاشی، داغینتی گتیرن بو قاتیل سورولرینین کؤکونو کسمک اوچون بیرگه موباریزهمیزی داوام ائتدیرجییک" دئیه اردوغان قئید ائتدی.
جمهور باشقانی یاخین زاماندا عراقا سفر ائتمگی دوشوندوگونو قئید ائدهرک سؤزلرینه داواملا دئییب کی، عراق ایله تورکیه آراسیندا تیجارت حجمینین 20 میلیارد دولارا چاتدیریلاجاغینا قرار وئریلدی. ایکی قونشو اؤلکه آراسیندا علاقهلرین هر ساحهده اینکیشاف ائتدیریلهجک. خصوصیله انرژی ساحهسینده بؤیوک امکداشلیق پتانسیلیمیز وار. داعش طرفیندن داغینتییا معروض قالان کرکوک-جیهان نفت بورو خطینین تعمیرینین تاماملاناراق، کرکوک نفتینین تز بیر زاماندا یئنیدن و داها یوکسک میقداردا دونیا بازارینا چیخاریلماسینی ایستییریک.
عراق-ین باش ناظیری ایسه اؤز نؤوبهسینده دئییب کی، تورکیه بیزیم اوچون اورتا دوغودا اهمیتلی بیر اؤلکهدیر و ان اؤنملی طرفداشلاریمیزداندیر. عراق-ین تورکیه-نی تهدید ائدن هئچ بیر تشکیلاتلانمایا ایجازه وئرمهسی مومکون دئییل. عراق-دا داعش-ین داغینتییا معروض قویدوغو اراضیلری تورکیه ایله بیرلیکده یئنیدن اینشا ائدجییک.
ایلگیلیلی خبرلر
"ترت ایسپانیولجا" یایین حیاتینا باشلاییر
ترت، اولوسلارآراسی دیجیتال خبر پلتفورملارینا بیر یئنیسینی داها علاوه ائدیر