پوتین: اردوغان اؤز سؤزونون اوستونده دوران آدام‌دیر
"اردوغان، اؤلکه‌سی اوچون اویغون بیر شئی اولدوغون‌دا سونا قدر گئدیر"
روسیا پرزیدنتی ولادیمیر پوتینین باشکند موسکودا ویدیو کنفرانس یولو ایله گرچکلشن ایللیک مطبوعات توپلانتیسی ۴ ساعت ۲۹ دقیقه سوردو.
توپلانتیدا گوندمی دگرلندیرن پوتین، "اؤلکه لیدئرلرین‌دن هانسی ان چتین، هانسی ان مناسیب مذاکره‌چی‌دیر؟" سوالینا جاواب اولاراق، بوتون لیدئرلرین بیلگیلی و دانیشیقلارا حاضیرلاندیغینی سؤیله‌دی.
"بوتون لیدئرلرین مقصدی اؤز اؤلکه‌لرینین پروبلئملرینی مختلیف اصوللارلا حل ائتمک‌دیر. یاخشی و پیس لیدئرلر یوخدور" دئین پوتین تورکیه پرزیدنتی رجب طیب اردوغانی اؤرنک گؤستردی.
اردوغان ایله بعضی مسئله‌لرده فیکیرلرینین اوست-اوسته دوشمه‌دیگینی دئین پوتین: "بعضاً بیزیم باخیشلاریمیز ضد اولابیلر، اردوغان ایسه اؤز سؤزونون اوستونده دوران آدام‌دیر، اونون سؤزو اؤزو بیردیر. اردوغان، اؤلکه‌سی اوچون اویغون بیر شئی اولدوغون‌دا سونا قدر گئدیر. بو تخمین ائده‌بیلیرلیک عنصرودور. بو، قارشیندا کیمین اولدوغونو آنلاماق اوچون اؤنملی‌دیر" دئدی.
