تورکیه حکومتی کروناویروس ریسکینی آزالتماق اوچون محدودیت‌لری اولدوقجا سرتلشدیریب

بوتون دونیادا سرعتله گئنیش‌لنن یئنی نوع کروناویروس (کووید-19) انفکسیونونون تورکیه-‌ده ده یاییلماسی سرعتلنیب. انفکسیوندان قورونماق اوچون تمیزلیک، ماسک تاخماق و سوسیال فاصله‌یه عمل ائتمک لازیم‌دیر. قایدا‌لارا عمل ائتمکله اؤزوموزون تهلوکه‌سیزلیگینه کؤمک ائدریک.

بو فیکیرلری جمهور باشقانی رجب طیب اردوغان تورکیه حکومتی‌نین ایجلاسیندان سونرا اها‌لییه مراجعتینده ایفاده ائدیب.

تورکیه-‌نین کووید-19 انفکسیونو ایله موباریزه‌ده سیستم‌لی تدبیرلر گؤردوگونو دقته چاتدیران جمهور باشقانی رجب طیب اردوغان وورغولاییب کی، گلن آیدان اعتباراً معلوم انفکسیونا قارشی واکسن‌ین تطبیقی نظرده توتولوب و واکسن  ایلک سیرادا ساغلیق ایشچی‌لری وورولاجاقدیر.

انفکسیونون یاییلما تهلوکه‌سیندن بحث ائدن دؤولت باشچی‌سی ریسک‌لری آزالتماق اوچون تطبیق اولونان یئنی محدودیت‌لر باره‌ده توپلومو معلوماتلاندیریب. بئله‌لیکله، یئنی محدودیت‌لره اساساً، هفته‌نین ایلک بئش گونو تورکیه واختی ایله ساعات 21.00-دان 5.00-دک ائودن چیخماق قاداغان ائدیلیب. شنبه گونو آخشام 21-ده باش‌لانان "ائوده قالماق" کامپانیاسی بازار ارته‌سی ساعات 5.00-ا قدر قوه‌ده اولا‌جاق. ائودن چیخماق اوچون خصوصی ایجازه‌سی اولمادیغی حالدا 65 یاش‌دان یوخاری و 20 و بوندان آشاغی یاش حده اولان شخص‌لر اجتماعی نقلیات‌دان ایستیفاده ائده بیلمه‌یه‌جک‌لر.

دؤولت باشچی‌سی چیخیشیندا گونده‌لیکده اولان دیگر مسئله‌لر باره‌ده ده گئنیش معلومات وئریب.