ابراهیم ارن:"ت.ر.ت ورلد فوروم ایله ضعیف سس لره سس اولدوق"

تورکیه رادیو و تلویزیون قورومو (ت.ر.ت) ایداره هئیتی صدری و باش مودیر ابراهیم ارن، ت.ر.ت ورلد فوروم آراجیلیغی ایله مظلوم لارین سسی اولدوق لارینی بیلدیریب.

1537751
ابراهیم ارن:"ت.ر.ت ورلد فوروم ایله ضعیف سس لره سس اولدوق"

تورکیه رادیو و تلویزیون قورومو (ت.ر.ت) ایداره هئیتی صدری و باش مودیر ابراهیم ارن، ت.ر.ت ورلد فوروم آراجیلیغی ایله مظلوم لارین سسی اولدوق لارینی بیلدیریب.

تورکیه رادیو و تلویزیون قورومو (ت.ر.ت) ایداره هئیتی صدری و باش مودیر ابراهیم ار ن "پاندمی‌دن سونرا دونیادا اولوسلار آراسی دوزن و دییشن دینامیکلر" باش‌لیغی ایله بو گون باشلایان و نوع کروناویروس اپیدمیسی سببیندن آنلاین قایدادا کئچیریلن "ت.ر.ت ورلد فوروم"ون آچیلیش مراسیمینده چیخیش ائدیب.

ابراهیم ارن بیلدیریب کی، "ت.ر.ت ورلد فوروم"ون مقصدی اجتماعی رایی فورما‌لاش‌دیران لیدرلره، سیاستچیلره و غیری-حکومت تشکیلات‌لاری‌نین نوماینده لرینه ان اهمیت‌لی مؤوضوع لاری هر جهتدن موذاکیره ائتمه لرینه ایمکان یارادا‌جاق حقیقی بیر قلوبال پلاتفورم تامین ائتمک‌دیر.

"ت.ر.ت ورلد فوروم"ون تشکیل ائدیلدیگی ایلک گوندن اعتبارا قلوبال جمعیتین عضوو اولا‌راق عینی گمیده اولدوق‌لارینی وورغولاماق اوچون جدی سعی لر گؤستردیکلرینی ایفاده ائدن ابراهیم ارن دئییب:"عینی زاماندا بعضی سسلرین دیگرلری ایله مقایسه ده داها اوجا‌دان چیخدیغینی ایفاده ائتدیک. بو سببدن بوتون مؤوضوع لاردا ایللردیر گؤرمزلیکدن گلینن و ائشیدیلمه‌یه‌نی ائشیتدیرمک اوچون سعی لر گؤستردیک".

ابراهیم ارن بیلدیریب کی، سس‌سیزلرین سسی اولماق ت.ر.ت-نین موضعی دیر. بو حساسلیقلا "ت.ر.ت ورلد فوروم"و یاراتدیق.

ت.ر.ت-نین باش مودیری جمهور باشقانی رجب طیب اردوغان باشدا اولماقلا فوروما قاتیلان هر کسه تشککور ائدیب.



ایلگیلی‌لی خبرلر