تورکیه‌-ده سون گونده کروناویروس‌دان 185 نفر اؤلوب

تورکیه-‌ده سون گون عرضینده کروناویروس‌دان (کووید-19) 185 نفر اؤلوب.

بو باره‌ده تورکیه-‌نین ساغلیق ناظیری فخرالدین کوجا بیلدیریب.

ناظیر قئید ائدیب کی، سون 24 ساعاتدا 168 مین 212 نفر کروناویروس تستیندن کئچیب، 6439 خسته‌نین کووید-19 تستی پوزیتیو چیخیب، عمومی‌لیکده ایسه سیمپتوم‌لاری معین ائدیلمه‌ین خسته‌لرله بیرلیکده 29 مین 281 نفر کووید-19 شوبهه‌لی‌سی اولا‌راق قئیدیاتا آلینیب.

آغیر خسته سایی دوننله موقاییسه‌ده 108 نفر آرتا‌راق 5011 اولوب.

قئید ائدک کی، تورکیه-‌ده ایندییه‌دک 494 مین 351 نفرکووید-19 انفکسیونا یولوخوب، اونلاردان 13 مین 558 نفری اؤلوب.