" ت.ر.ت ورلد فوروم 2020"-نین کئچیریلمه‌سینه سایلی گون‌لر قالیب

ت.ر.ت ورلد فوروم 2020 بو ایل "پاندمی دن سونرا دونیادا اولوسلار آراسی دوزون و دییشن دینامیکلر" باشلیغی ایله 1 و 2 دسامبر تاریخ‌لرینده کئچیریله‌جک.

1534731
" ت.ر.ت ورلد فوروم 2020"-نین کئچیریلمه‌سینه سایلی گون‌لر قالیب

ت.ر.ت ورلد فوروم 2020 بو ایل "پاندمی دن سونرا دونیادا اولوسلار آراسی دوزون و دییشن دینامیکلر" باشلیغی ایله 1 و 2 دسامبر تاریخ‌لرینده کئچیریله‌جک.

یئنی نوع کروناویروس اپیدمیسی سببیندن اونلاین کئچیریله‌جک فورومون ایلک ایجلاسیندا تورکیه رادیو و تلویزیون قورومو (ت.ر.ت) ایداره هئیتی صدری و باش مودیر ابراهیم ارن چیخیش ائده‌جک.

دونیانین موختلیف جوغرافیالاریندان‌ اولان لیدرلر، متخصص‌لر، آکادمیک‌لر "کووید-19" اپیدمی سیندن سونرا دییشیک‌لیگی قیمتلن‌دیره‌جک‌لر.

پروقرامدا 8 آچیق اوتوروم، 8 دییرمی ماسا و 4 صحبت داخیل‌دیر.

فورومدا "پاندمی دؤورونده یاییم و مئدیانین رولو" آوروپا، آسیا و افریقا یاییم بیرلیک‌لری‌نین رهبرلری ایله گوندمده اولا‌جاق.

آچیق اوتورمدا " پاندمی دؤورونده قلوبال ساغلیق پروبلئم لرینه اورتاق حل یول لاری"، " تیجارت و تحصیل سئکتورونون گله‌جگی"، "سیاحت سیز بیر دونیا"، "پاندمی فوصت می یوخسا چیخیلماز یول مو" کیمی مووضوع لار موذاکیره ائدیله‌جک.

"دییشن دونیا دوزنینده تورکیه-‌نین خاریجی سیاستی"، "محاربه و پاندمی: سوریه-ده و یمن-ده حیات موباریزه‌سی"، "آذربایجان-ائرمنیستان موناقیشه‌سی‌نین عاقبتی" کیمی خصوصی مؤوضوع لار دا اعتبارلی متخصص‌لر طرفیندن قاپا‌لی ایجلاسلاردا موذاکیره ائدیله‌جک.

"ت.ر.ت ورلد فورومو"نا امریکا خاریجی ایشلر ناظیرلیگی سیاست پلانلاشدیرما دیرکتورو پتر برکوویتز، بمت-نین اینکیشاف پروقرامی‌نین پرزیدنتی آخیم شتاینر، جمهور باشقانلیغی‌نین سؤزچوسو ابراهیم کالین و جراحی پروفسورو  مهمت اؤز کیمی 40-دان چوخ شخص قاتیلا‌جاق.

"ت.ر.ت ورلد فورومو 2020" قئیدیاتی و تدبیر حاقیندا داها چوخ معلوماتی www.trtworldforum.com وب سایتیندان اؤیرنمک مومکون‌دور.

 



ایلگیلی‌لی خبرلر