میللی مودافعه ناظیرلیگی تورک تیجارت گمی‌سینده قانون‌سوز آختاریشلا باغلی بیانات یاییب

میللی مودافعه ناظیرلیگی دوغو آغ دنیزینده تورک تیجارت گمیسی‌‌نین اولوسلار آراسی حقوقا ضد اولا‌راق دایان‌دیریلا‌راق آختاریشی ایله علاقه‌دار آچیقلاما وئریب.

1534122
میللی مودافعه ناظیرلیگی تورک تیجارت گمی‌سینده قانون‌سوز آختاریشلا باغلی بیانات یاییب

میللی مودافعه ناظیرلیگی دوغو آغ دنیزینده تورک تیجارت گمیسی‌‌نین اولوسلار آراسی حقوقا ضد اولا‌راق دایان‌دیریلا‌راق آختاریشی ایله علاقه‌دار آچیقلاما وئریب.

میللی مودافعه ناظیرلیگی‌نین آچیقلاماسیندا تورک بایراق‌لی "رزالین-آ " تیجارت گمیسی‌نین 22 نوامبر 2020-جی ایلده آچیق دنیزده دایان‌دیریلا‌راق آختاریلماسی حادثه‌سی‌نین اطراف‌لی شکیلده تدقیق ائدیلدیگی بیلدیریلیب.

آچیقلامادا وورغولانیب کی، بایراق دؤولتی (تورکیه) و کاپیتانین راضی‌لیغی اولماسا دا، آلمان فیرکاتئینی‌نین سلاحلی و تجهیزات‌لی آختاریش قروپو هلیکوپترله زورلا گمییه داخیل اولوب. آختاریشا تورکیه جمهوریتی دؤولتی‌نین ایجازه وئرمه دیگی تاکیدله بیلدیریلیب، وضعیته اعتراض ائدیلمیش‌دیر. آپاریلان آختاریش شوبهه‌لی وضعیت اولمادیغی (گمی‌نین یوکونون اون، یاغ، طبی آوا‌دان‌لیق‌لار، تیکینتی ماتئریال‌لار) سببیله سونا چاتدیریلمیش‌دیر. اولوسلار آراسی قانونون عکسینه اولا‌راق، تورکیه جمهوریتی‌نین راضی‌لیغی اولما‌دان، هایدوت کیمی گمییه داخیل اولونماسی و اکیپاژلا جینایتکار کیمی داورانیلماسی تامامیله حقوقا و اساس‌لارا ضیددیر. بون‌دان علاوه اولا‌راق غیری-قانونی بیر تطبیقین متفیق دونانما طرفیندن ائدیلمه‌سی ده آیریجا دوشوندوروجودور. بو سهو تطبیقده دنیزدکی گمی‌لره نظارت ائدن عملیات قوموتانی‌نین غرضلی و دوغوسال داوراندیغی آیدین‌دیر. بوتون حقوق‌لاریمیز قورونور. اونوتمامالیییق کی، بو جور زوراکی‌لیق دیگر تطبیق لره نومونه اولا‌جاق‌دیر.

تورکیه لیبی-ده کی بحرانین حربی یوللا دئییل، سیاسی دیالوق یولو ایله حل ائدیله بیله جگینی بحرانین باشیندان بری‌دیر مودافعه ائدیر. بو جور حادثه‌لرین تکرارلانماماسی اوچون بؤلگه‌ده باریشین و ثابیتلیگین قورونماسی و لازیمی امکداش‌لیق و کووردیناسیونون آرتیریلماسی ایستیقامتینده چالیشماغا حاضیریق.

 



ایلگیلی‌لی خبرلر