تورکیه-‌ده کروناویروس‌دان ساغالان‌لارین سایی 377 مینی کئچیب

تورکیه-‌ده سون گونده 6713 نفره کووید-19 تشخیصی قویولوب، 153 نفر ایسه بو ویروس‌دان اؤلوب.

بو باره‌ده تورکیه-‌نین ساغلیق ناظیری فخرالدین کوجا کروناویروسلا باغلی سون بیر گونون ایستاتیستیکلرینی آچیقلایارکن بیلدیریب.

ناظیر یئنی نوع کروناویروس علیهینه تورکیه-‌ده کوتلوی واکسن تطبیق اولونانا قدر اها‌لی‌دن کووید-19-ا قارشی بیرگه موباریزه آپارماق اوچون دستک ایسته‌ییب: "موباریزه تدبیرلرینه دوزگون عمل ائدین، مجبوریت اولمادیقجا، اها‌لی‌نین سیخ توپلاشدیغی مکان‌لارا گئتمه‌ین".

ناظیر دئییب کی، سون 24 ساعاتدا آغیر خسته سایی 4409 نفر اولوب.

تورکیه‌-ده ایندییه‌دک 453 مین 535 نفر یئنی نوع کروناویروس انفکسیونونا یولوخوب، اونلاردان 12 مین 511 نفری اؤلوب.

قئید ائدک کی، تورکیه-‌ده بو گونه اولان اؤلوم سایی سون 8 آیدا قئیده آلینان ان یوکسک رقم‌دیر.