حولوصی آکار تورکیه و امریکا موناسیبت‌لرینی قیمتلندیریب

تورکیه و امریکا آراسیندا فیکیر آیری‌لیق‌لاری اولسا دا ایکی اؤلکه‌نین اوزون بیر امکداش‌لیق عنعنه‌سی وار.

بونو میللی مودافعه ناظیری حولوصی آکار ویدئو کنفرانس فورماتیندا کئچیریلن اولوسلار آراسی هالیفاکس تهلوکه‌سیزلیک فوروموندا ائتدیگی چیخیشدا دئییب.

آکار تورکیه و امریکا موناسیبت‌لرینی قیمتلندیره‌رک دئییب کی، امریکا ایله موناسیبت‌لریمیزده دیگر اؤلکه‌لرده اولدوغو کیمی ائنیش و چیخیش‌لار، البته کی، کسکین فیکیر آیری‌لیق‌لاری دا وار، اما اونوتمایاق کی، ایکی اؤلکه آراسیندا چتین‌لیک‌لرین عهده سیندن گلدیگیمیز اوزون بیر امکداش‌لیق عنعنه‌میز وار.

تورکیه-‌نین و امریکانین اوزون ایللردیر سارسیلماز متفیق اولدوق‌لارینی ایفاده ائدن آکار ایکی اؤلکه‌نین کره-ده، سوما‌لی-ده، بالکان‌لاردا، افغانیستان-دا و دونیانین دیگر جوغرافیا‌لاریندا چیگین-چیگینه، بیرلیکده اولدوق‌لارینی، آنجاق تأسف کی، بعضا فیکیر آیری‌لیق‌لاری‌نین ایکی اؤلکه‌نین اورتاق گوندمیندن داها چوخ اؤنه چیخدیغینی، بون‌لارین حقیقت‌لری کؤلگه‌له‌دیگینی و بو دوروم‌دان ایمتینا ائدیلمه‌سی‌نین واجیب‌لیگینی وورغولاییب.