ایزمیرده باش وئرن زلز‌له نتیجه‌سینده هلاک اولان‌لارین سایی 51 نفره چیخیب

ایچ ایشلر ناظیرلیگی فوق العاده حال‌لار ایداره‌سی رهبرلیگی (آفاد) ایزمیرده باش وئرن زلز‌له نتیجه‌سینده هلاک اولان‌لارین سایی‌نین 51 نفره چیخدیغینی آچیقلاییب.

آفاد-دان وئریلن آچیقلامایا گؤره، بو گون یئرلی واختلا ساعات 07: 00-ا قدر اولان مودتده زلز‌له‌دن سونرا 40-ی 4-دن یوخاری 812 یرآلتی تکان قئیده آلینیب.

قئید ائدک کی، بیری بوغولما سببی ایله 51 وطنداش هلاک اولوب. یارا‌لانان 896 نفردن 667-ی ائوه بوراخیلیب، 229 نفرین معالیجه ‌سی ایسه داوام ائدیر.

خاطیرلاداق کی، اوکتبرین 30-دا ایزمیرده 6،6 شدتینده زلز‌له باش وئریب. طبیعی فلاکت نتیجه‌سینده ایزمیر ویلایتی‌نین بایراک‌لی بؤلگه‌سینده 17 بینا داغیلیب و یا تامامیله یارارسیز حالا دوشوب.

سون معلومات‌لارا اساساً، باش وئرن یئرآلتی تکان‌لار نتیجه‌سینده ایندییه‌دک 51 نفر هلاک اولوب، 800-دن چوخ وطنداشیمیز یارالانیب.داغینتی‌لارین آلتیندا قالان‌لارین آختاریش-قورتارما ایشلری داوام ائدیر.