ایزمیر-ده باش وئرن زلز‌له نتیجه‌سینده 30-40 کیلومترلیک سیسمیک خط قیریلیب

تورکیه-‌نین ایزمیر ویلایتینده باش وئرن زلز‌له ایله باغلی اؤلکه‌نین کاندیللی رصدخاناسیندان ایلک معلومات وئریلیب.

1519196
ایزمیر-ده باش وئرن زلز‌له نتیجه‌سینده 30-40 کیلومترلیک سیسمیک خط قیریلیب

تورکیه-‌نین ایزمیر ویلایتینده باش وئرن زلز‌له ایله باغلی اؤلکه‌نین کاندیللی رصدخاناسیندان ایلک معلومات وئریلیب.

معلوماتدا کاندیللی رصدخاناسیندا یئرآلتی تکان‌لارین گوجو 6،9 بال اولا‌راق حسابلانیب.

قئید ائدیلیب کی، زلز‌له‌دن سونرا ایندییه‌دک 21 آفترشوکون قئیده آلیندیغی، بو آفترشوک‌لار 15 گون عرضینده داوام ائدجگی احتیمال اولونور. میدانا گلن یئرآلتی تکان‌لار نتیجه‌سینده 30-40 کیلومترلیک سیسمیک خط قیریلیب. اگه بؤلگه‌سی‌نین سیسمیک باخیمدان حساس بؤلگه اولماسینا باخمایا‌راق بو اراضیده ان بؤیوک زلز‌له 1912-جی ایلده 6،5 بال گوجونده قئیده آلینیب.

حادثه باره‌ده معلومات وئرن ایزمیر والیسی یاووز سلیم کؤسگئر داغینتی‌لار آلتیندا قالان وطنداش‌لارین تخمینن 70 فایزی‌نین چیخاریلدیغینی بیلدیریب.

قئید ائدک کی، آرتیق بیلدیردیگیمیز کیمی، ایزمیرده باش وئرن زلز‌له اؤلکه‌نین مارمارا بؤلگه‌سینده ده حیس ائدیلیب. ایستانبولون آوجی‌لار بؤلگه‌سینده زلز‌له‌دن ضرر چکمیش بیر بینانین ساکین‌لری تخلیه ائدیلیب.

اؤلکه‌نین اورلا بؤلگه‌سینده 4.1، کوش آداسیندا ایسه 4،8 شدتینده داها ایکی یئرالتی تکان قئیده آلینیب.



ایلگیلی‌لی خبرلر