مولود چاووش اوغلو و جیهون بایرام آراسیندا تلفون دانیشیغی اولوب
ناظیرلر بؤلگه‌دکی سون وضعیت اطرافیندا فیکیر موبادیله‌سی آپاریب‌لار.
خاریجی ایشلر ناظیری مولود چاووش اوغلو ایله آذربایجان خاریجی ایشلر ناظیری جیهون بایراموو آراسیندا تلفون دانیشیغی باش توتوب.
ناظیرلر بؤلگه‌دکی سون وضعیت اطرافیندا فیکیر موبادیله‌سی آپاریب‌لار.
ناظیر مولود چاووش اوغلو ائرمنیستانین سیویل لری هدفه آلینماسینی شدتله قیناییب، هلاک اولان‌لارین عائله‌لرینه و آذربایجان خالقینا باش ساغلیغی وئریب.
ناظیر جیهون بایراموو ائرمنیستانین گنجه-نی قددارجاسینا راکت آتشینه توتماسینی اولوسلار آراسی اینسانی حقوقون و ژنو کنوانسیون لارینین کوبود پوزولماسی حالی اولدوغونو و بونون محاربه جینایتی و اینسان‌لیق علیهینه جینایت اولدوغونو قئید ائدیب.
چاووش اوغلو رسمی توییتر حسابیندا ایسه بیلدیریب:
"اوشاق-بؤیوک دئمه‌دن گوناه‌سیز اینسان‌لاری اؤلدورورلر. بو وحشی‌لیگه سس‌سیز قالماق بو جینایت‌لره شریک اولماق دئمک‌دیر. اینسان اولماغی باجارا بیلمه‌ین‌لر تؤرتدیک‌لری جینایتین حسابینی وئره‌جک‌لر. جان آذربایجانین دایم یانینداییق".
