اردوغان:"هئچ کس تورکیه-نین کؤرفز بؤلگهسیندکی مؤوجودلوغوندان ناراحات اولمامالیدیر"
جمهور باشقانی رجب طیب اردوغان تورکیه-نین قطر-دکی حربی مؤوجودلوغونون بوتون بؤلگهنین ثابتلیگینه و باریشا تحفهسینین اولدوغونو سؤیلهییب.
جمهور باشقانی رجب طیب اردوغان تورکیه-نین قطر-دکی حربی مؤوجودلوغونون بوتون بؤلگهنین ثابتلیگینه و باریشا تحفهسینین اولدوغونو سؤیلهییب.
جمهور باشقانی اردوغان قطر-ده اینگیلیسجه درج اولونان "The Peninsula " قزئتینه موصاحیبهسینده تورکیه و قطر-ین کؤکلو تاریخی، مدنی و اینسانی موناسیبتلری اولان ایکی قارداش اؤلکه اولدوغونو، ایکی اؤلکهنین ایقتیصادیات، صنایع، مودافعه، تهلوکهسیزلیک، یاتیریم و انرژی ساحهلرینه قدر گئنیش بیر ساحهده استراتژی علاقهلری اولدوغونو بیلدیریب.
تورکیه-نین قطر-دکی حربی مؤوجودلوغونون یالنیز قارداش قطر-ین دئییل، بوتون کؤرفز بؤلگهسینین ثابتلیگینه و باریشا دستکینین اولدوغونو وورغولایان دؤولت باشچیسی "خاوس یاراتماغی پلانلاشدیراندان ساوایی هئچ کس تورکیه-نین و تورک عسگرینین کؤرفز بؤلگهسیندکی مؤوجودلوغوندان ناراحات اولمامالیدیر" دئیه وورغولاییب.
اردوغان تورکیه-نین سوریه سیاستی و ترورلا موباریزه عملیاتلاری موضوع سونداکی سوالا جاوابیندا تورکیه-نین سوریه اراضیلرینده اصلا دایمی اولمایاجاغینی، هئچ کسین تورپاغیندا گؤزو اولمادیغینی دئییب.
"بحران دایمی حله قوووشدوقدا، بیزیم ده سوریه-ده کی مؤوجودلوغوموز سونا چاتاجاقدیر. تورکیه بوتون ترور تشکیلاتلارینا قارشی قطعیتلی بیر موباریزه آپاریر" دئیه دؤولت باشچیسی قئید ائدیب.
جمهور باشقانی اردوغان لیبی مسئلهسینه ده توخوناراق، بو اؤلکهده مشروعیتین قازاناجاغینی و قیامچیلارین ایتیرجگینی سؤیلهییب: "تورکیه-نین بو ساحهدکی تشببوسلری سایهسینده بیر فورصت یاراندی. هم لیبی، هم ده بولگه سل باریشی و ثابتلیگی قورویاجاق بو فورصتی بادا وئرمهمهلییک".
اردوغان آیریجا دوغو آغ دنیزینده وضعیت ایله علاقهلی اولاراق دا تورکیه-نین هر زامان بؤلگهنین زنگینلیگینین ساحل اؤلکهلری طرفیندن عدالتلی پایلاشیلماسیندان طرف اولدوغونو، بونو بوتون دیپلوماتیک تشببوسلرینده اؤن پلانا چیخاردیغینی وورغولاییب.
اگه و آغ دنیزی مسئلهسینین تورکیه-نین هئچ بیر زامان گئری آدیم آتمایاجاغی مؤوضوع اولدوغونو وورغولایان اردوغان "تورکیه و قوزیی قیبریس تورک جمهوریتینین گؤزدن یاییندیریلدیغی، ساحللرینه حبس ائدیلدیگی هئچ بیر حلی قبول ائتمهدیگیمیزی بوتون پلاتفورمالاردا یوکسک سسله دیله گتیردیک، گتیرمهیه داوام ائدجییک. هر زامان و هر شرطده قورودوغوموز حقوق و ماراقلاریمیزی دا ائلهجه. دوغو آغ دنیزینده بیزیم قرارلیلیغیمیزی گؤرنلر و اؤلکهمیزی بوش تهدیدلرله و شانتاژلا گئری آدیم آتدیرمایاجاغینی باشا دوشنلر، نتیجهده دیالوق چاغیریشلاریمیزا قولاق آسمالی اولدولار" دئییب.