جمهور باشقانی اردوغان‌دان آوروپا بیرلیگی لیدرلرینه مکتوب

جمهور باشقانی رجب طیب اردوغان آوروپا بیرلیگی‌نین عضوو اولان اؤلکه‌لره مکتوب عنوانلایا‌راق تورکیه-آوروپا  علاقه‌لری و بو علاقه‌لرین اینکیشافیندا تورکیه-‌نین جهدلریندن بحث ائدیب.

1500033
جمهور باشقانی اردوغان‌دان آوروپا بیرلیگی لیدرلرینه مکتوب

جمهور باشقانی رجب طیب اردوغان آوروپا بیرلیگی‌نین عضوو اولان اؤلکه‌لره مکتوب عنوانلایا‌راق تورکیه-آوروپا  علاقه‌لری و بو علاقه‌لرین اینکیشافیندا تورکیه-‌نین جهدلریندن بحث ائدیب.

یونانیستان و گونئی قیبریس روم ایجماسینی چیخماقلا آوروپا بیرلیگینه عضو اولان دیگر اؤلکه رهبرلیک‌لرینه عنوان‌لانان مکتوبدا بیلدیرلیب کی، تورکیه، دوغو آغ دنیزینده اولوسلار آراسی دنیز قانون‌لارینا اویغون سرحدلندیریلمه‌سی‌نین، بو اراضی‌دکی هیدورکربن یاتاق‌لاری‌نین عدالت‌لی شکیلده بؤلوشدورولمه‌سی‌نین، بولگه ده باریش و ثابیتلیگین یارادیلماسی‌نین طرفداری‌دیر، بو مقصدله ده یونانیستانلا قئید-شرط‌سیز دیالوقا حاضردیر.

بو هدف‌لریمیز چرچیوه‌سینده تورکیه دوغو آغ دنیزی‌نین بوتون طرف‌لرین امکداش‌لیق ائتدیگی، هیدروکرین یاتاق لارینی برابر و عدالت‌لی بیر شکیلده بؤلوشولدوگو، باریش و ثابیتلیگین حاکم اولدوغو بیر امکداش‌لیق بؤلگه‌سی اولماسینی آرزو ائدیر. کؤمور و پولادین آوروپا بیرلیگی-نین چیخیش نقطه‌سینی تشکیل ائتدیگی کیمی هیدروکربن بونون قیبریس-دا حله و بؤیوک آوروپا بیرلیگی-نین فورمالاشماسینا اساس اولاجاغینا اومید ائدیریک. دوغو آغ دنیزینده داوام ائدن گرگینلیگین مسئولیت‌لیسی تورکیه دئییل، یونانیستان و قیبریس روم ایداره‌سی‌دیر. حاضیردا مؤوجود وضعیته یونان-روم ایکی‌لیگی‌نین تورکیه-نی و قیبریس تورک‌لرینی یوخ سایما‌لاری و آوروپا بیرلیگی-نین بونا 2003-جو ایلدن بری‌دیر گؤز یومماسی سبب اولوب. قیبریس مسئله‌سی حل ائدیلمه‌دن آوروپا بیرلیگینه عضو قبول ائدیلن گونئی قیبریس روم ایداره‌سی قیبریس تورک‌لری یوخ قبول ائده‌رک، 2003، 2007 و 2010-جو ایللرده قونشو اؤلکه‌لرله دنیز سرحد موقاویله‌لری ایمضالاییب، 2007-جی ایلده لیسنزیالاشما ساحه‌لرینی معینلشدیریب و ایلک قازما ایشینی 2011-جی ایلده رئاللاشدیریب.

یونانیستان قیبریس روم ایجماسی ایله بیرلیکده تورکیه-نی آنتالیا کؤرفزی ساحه‌سینه حبس ائتمه گی هدف آلان، ماکسیمالیست دنیز سرحد ادعا‌لارینی (سویل خریطه‌سی) آوروپا بیرلیگیندن سوء-ایستیفاده ائده‌رک تورکیه-‌یه قبول ائتدیرمه‌یه جهد ائدیر، بو سرحدلرین میللی و آوروپا بیرلیگی-نین خاریجی دنیز سرحدلری اولدوغونو ادعا ائدیر. یونان/ روم ایکی‌لی‌سی بون‌لارلا کیفایتلنمه‌یه‌رک، تورکیه و قیبریس تورک‌لرینه قارشی دوغو آغ دنیزی قاز فورومو آدی آلتیندا بیر مئخانیزم یاراتمیش، آیریجا بؤلگه اؤلکه‌لریله تورکیه علیهینه اوچ طرف‌لی و دؤردطرف‌لی امکداش‌لیق مئخانیزم‌لری قوروب. تورکیه ایسه دوغو آغ دنیزینده هم اؤزو، هم ده قیبریس‌لی تورک‌لرین حاق‌لارینی قوروماق اوچون دیپلوماسیه  اوستونلوک وئرمیش، آنجاق دیالوق و امکداش‌لیق چاغیریش‌لاریمیز اوغورسوز اولدوقدا، 7 ایل گؤزله‍‌دیکدن سونرا 2018-جی ایلده بو ساحه‌ده آدیم‌لار آتماغا باشلاییب.



ایلگیلی‌لی خبرلر