فخرالدین آلتون:"بیز آذربایجانین یانیندا اولماغا داوام ائدجییک"

جمهور باشقانی مطبوعات خیدمتی‌نین رهبری فخرالدین آلتون تورکیه-‌نین امریکا-دا کئچیریله‌جک پرزیدنت سئچکی‌لرینده واسیطه کیمی ایستیفاده ائدیلمه‌سینه سرت رئاکسیا گؤستریب.

آلتون مؤوضوع ایله باغلی مئساژینی سوسیال شبکه‌ده اینگیلیس دیلینده یاییملایا‌راق، امریکا سیاستچی‌لرینی یاپیجی اولماغا چاغیریب.

تورکیه-امریکا موناسیبت‌لری‌نین پرزیدنت سئچکی‌سی پروسه سینده ایستیفاده‌سیندن ناراحات اولدوغونو ایفاده ائدن آلتون "خصوصیله ناتو متفیقی اولان اؤلکه‌لر بو کیمی مسئله‌لرله قارشی-قارشییا گلمک‌دن ایمتینا ائتمه‌لی‌دیرلر. تورکیه-‌یه قارشی بو جور داورانیشلا آذربایجان-‌لی قارداش‌لاریمیزین یانیندا اولماغیمیزا مانع اولمایا‌جاق‌دیر. تورکیه-‌نین موضعی نین اولوسلار آراسی حقوق نورما‌لارینا اویغون اولماسینا باخمایا‌راق، امریکالی بعضی سیاستچی‌لر بؤلگه‌دکی گرگین‌لیگی سئچکی اوچون ارمنی لوبی‌لریندن دستک آلماق مقصدیله ایستیفاده ائدیرلر" دئییب.

آلتون تورکیه-‌نین بؤلگه‌ده باریش و ثابت‌لیک ایسته‌دیگینی قئید ائده‌رک، "بیز آذربایجانین یانیندا اولماغا داوام ائدجییک" دئیه قئید ائدیب.