اردوغان:"تورکیه بوتون ایمکان‌لاری و بوتون قلبی ایله آذربایجانین یانیندا اولماغا داوام ائده‌جک"
"ارمنیستان ایشغال ائتدیگی آذربایجان تورپاق‌لارینی درحال ترک ائتدیک‌دن سونرا بؤلگه باریشا و امین-آمانلیغا قوووشا‌جاق".
"ارمنیستان ایشغال ائتدیگی آذربایجان تورپاق‌لارینی درحال ترک ائتدیک‌دن سونرا بؤلگه باریشا و امین-آمانلیغا قوووشا‌جاق".
بونو جمهور باشقانی رجب طیب اردوغان ایستانبول دولماباخچا اوفیسی، تورکیه بؤیوک میللت مجلیسی‌نین دستکی ایله ایستانبول بیلیم یوردو و مارمارا بیلیم یوردو طرفیندن تشکیل ائدیلن تاریخ، سیاست و اؤلکه لراراسی موناسیبت‌لر باخیمیندان "اولوسلار آراسی دنیز قانونو و دوغو آغ دنیزی سیمپوزیومو"ندا دونن آذربایجان تورپاق‌لارینا هوجوم ائدن ارمنیستانی بیر داها قیناییب.
"تورکیه بوتون ایمکان‌لاری و بوتون قلبی ایله دوست و قارداش آذربایجانین یانیندا اولماغا داوام ائده‌جک. ارمنیستانین ایشغال ائتدیگی آذربایجان تورپاق‌لارینی درحال ترک ائتمه‌سیله بؤلگه‌یه یئنی‌دن باریشا و دینج‌لیگه قوووشا‌جاق‌دیر" دئیه اردوغان وورغولاییب.
اردوغان "بؤلگه‌ده داغلیق قاراباغین ایشغا‌لی ایله باشلایان بحرانا سون قویماغین واختی گلیب. ارمنیستان طرفیندن ایشغال اولونموش آذربایجان اراضی‌لرینین درحال ترک ائدیلمه‌سی ایله بؤلگه یئنی‌دن باریشا و امین-آمانلیغا قوووشا‌جاق. بوتون دیگر تطبیق و تهدیدلر یالنیز حاق‌سیز و قانون‌سوز اولماقدا قالمایا‌جاق، ارمنیستانی ارکؤیون ائتمه‌یه داوام ائده‌جک. سون اینکیشاف‌لار بؤلگه‌دکی بوتون نفوذلو اؤلکه‌لره رئال و عدالت‌لی حل اصول‌لارینی تطبیق ائتمه ایمکانی وئردی. اومید ائدیریک کی، بو فورصت ان یاخشی شکیلده ایستیفاده اولونا‌جاق" دئییب.
"مینسک قروپونون هم صدرلری امریکا، روسیا و فرانسا ایندییه کیمی، تخمینن 30 ایلدیر داغلیق قاراباغ موناقیشه‌سینی حل ائتمه‌ییب‌لر و حل ائتمه‌مک اوچون ده ال لریندن گلنی ائدیرلر".
"ایندی دوروب عاغیل وئریرلر، زامان-زامان ایسه تهدید ائدیرلر. "تورک عسگری اوردا وارمی؟"، "تورکیه اورا سلاح گؤندریرمی؟" سؤیله‌ینلر سوریه-نین قوزیی ینه مین‌لرله "تیر" سلاحی اورا داشییان‌لاردیر. بو عاغیلا، مانطیغا باخین؟! سانکی آذربایجان پرزیدنتی الهام علی یئو بونلارا حساب وئرمه‌لی‌دیر. ایشغال ائدیلن تورپاق‌لار آذربایجانین تورپاقلاری دیر. بونو هامینیز قبول ائتمیسینیز آخی" - دئیه جمهور باشقانی اردوغان وورغولاییب.
