جمهور باشقانی اردوغان ماکرونا رئاکسیا وئریب

جمهور باشقانی رجب طیب اردوغان اردوغان تورکیه اوچون دوغروسو، خیرلی‌سی، یاخشی‌سی نه ایسه اونو ائتمه‌یه داوام ائد‌جکلرینی بیلدیریب.

1492633
جمهور باشقانی اردوغان ماکرونا رئاکسیا وئریب

"تورکیه اوچون دوغروسو، خیرلی‌سی، یاخشی‌سی نه ایسه اونو ائتمه‌یه داوام ائدجییک". بونو جمهور باشقانی رجب طیب  اردوغان صدری اولدوغو عدالت و اینکیشاف پارتی سینین مرکزی قرارگاهیندا گئنیش لندیریلمیش ویلایت صدرلری ییغینجاغیندا دئییب. جمهور باشقانی چیخیشین‌دا آوروپا و امریکا دموکراسی و ایقتیصادیات‌دا یئرله-یئکسان اولسا بئله اؤزلرینین تورک میللتینی هر ساحه‌ده اینکیشاف ائتدیرمه‌یه داوام ائد‌جکلرینی سؤیله‌ییب.: "بیز اؤزوموز کیمی بوتون دوستلاریمیز و قارداشلاریمیز اوچون عینی موباریزه‌نی آپارماق‌دا قرارلییک. بو مدلین آدی تورکیه-‌دیر. میللتیمیزین دستکی ایله اؤلکه‌میزین ماراغینا، خیرینه اولانی حیاتا کئچیرمه‌یه داوام ائدجییک". پرزیدنت تورکیه-‌نین خاریجی سیاستینه ده توخوناراق دئییب: "اگر تورکیه تامامیله چکیلیرسه سوریه باریشا، دینج‌لیگه و آزادلیغا قوووشارمی؟ تورکیه تله‌نی گؤزدن یاییندیرسا قوزیی عراق تروردان‌می تمیزلنر؟ تورکیه هر شئی‌دن واز کئچ‌سه فرانسا کیفایت‌سیز، رادیکال سیاستیندن یایینارمی؟ بئله بیر وضعیت‌ده بؤلگه‌ده حسابی اولان دؤولتلر هر شئیی بیر کنارا قویوب گئده‌جکلرمی؟ ایقتیصادی تله‌لر قورانلار بیزه دستک اولاجاق ‌می؟ بونلارا "بلی" دئییلیرسه ایزله‌دییمیز سیاستی گؤزدن کئچیرمک ده بیزیم اوچون واجیب اولار".



ایلگیلی‌لی خبرلر