جمهور باشقانی اردوغان ساکاریا ظفری‌نین 99-جو ایلدؤنومو موناسیبتیله بیانات یاییب

جمهور باشقانی رجب طیب اردوغان ساکاریا ظفری‌نین 99-جو ایلدؤنومو موناسیبتیله بیانات یاییب

1489736
جمهور باشقانی اردوغان ساکاریا ظفری‌نین 99-جو ایلدؤنومو موناسیبتیله بیانات یاییب

"ساکاریا ظفری هله ده مؤوجودلوغوموزو هضم ائده بیلمه‌ییب بوش خیال‌لارین آرخاسینجا گئدن‌لرین عاقبت لرینین یئنه مایوسلوق اولاجاغی‌نین نیشانه‌سی‌دیر".

بونو جمهور باشقانی رجب طیب اردوغان 13 سپتامبر ساکاریا ظفری‌نین 99-جو ایلدؤنومو موناسیبتیله یاییملادیغی بیاناتدا دئییب.

اردوغان تورک تاریخی‌نین ان اهمیت‌لی محاربه‌لریندن اولان ساکاریا میدان محاربه‌سی‌نین میللتین ایشغالچی‌لارا قارشی وطنینی و موستقیل‌لیگینی قوروماق اوچون وئردیگی شرف‌لی موباریزه‌نین مهم مرحله‌سی اولدوغونو وورغولاییب.

بو محاربه‌ده اورتایا قویولان بیرلیک، برابرلیک، عزم و قهرامانلیغین حاضیردا دا میللته رهبرلیک ائتدیگینی بیلددیرن اردوغان دئییب:

"ساکاریا ظفری عینی زاماندا حاضیردا هله ده هارادا اولماسیندان آسیلی اولمایا‌راق مؤوجودلوغوموزو هضم ائده بیلمه‌ییب، بوش هوس‌لر آرخاسینجا گئدن‌لرین عاقبتی‌نین یئنه مایوسلوق اولاجاغی‌نین بیر نیشانه‌سی‌دیر. تاریخی بؤیوک ظفرلرله دولو اولان میللتیمیز میللی موباریزه‌دکی روح و عزمله هئچ بیر زوراکی‌لیغی قبول ائتمه‌یه‌جگینی، حاق و منفعت‌لرینی هر یئرده و هر شرطده قورویاجاغینی دونن اولدوغو کیمی صاباح دا بوتون دونیایا گؤستره‌جک‌دیر.

کئچمیش‌دن گؤتوردوگوموز گوجله حاضیردا دا دؤولتیمیزی ابدییه‌ده‌ک یاشاتماق و یئنی نسیل‌لره داها گؤزل گله‌جک بوراخماق اوچون هدفیمیز ایستیقامتینده عزمله ایشلمه‌یه داوام ائدیریک. بو موناسیبتله عزیز وطنیمیزی، ایستیقلالیمیزی و گلجییمیزی قوروماق اوچون جانینی فدا ائدن بوتون شهیدلریمیزه الله‌دان رحمت دیلییرم. ساکاریا ظفری‌نین ایلدؤنومونده باشدا اولماقلا (جمهوریتین قوروجوسو) غازی مصطفی کمال (آتاتورک) اولماقلا قورتولوش دؤیوشونون بوتون قهرمان‌لارینی رحمت و میننتدارلیقلا یاد ائدیرم و وطنداش‌لاریمی قلبن سالاملاییرام".

 



ایلگیلی‌لی خبرلر