مصطفی شنتوپ و فواد اوکتای‌دان ماکرونا رئاکسیا
تورکیه بؤیوک میللت مجلیسی‌نین صدری مصطفی شنتوپ فرانسا پرزیدنتی امانوئل ماکرون ایله علاقه‌دار "فرانسانین اساس ناراحات‌لیغی تورکیه-نین دونیادا، بؤلگه‌ده و خصوصیله افریقا-دا فعال اولماسی ایله باغلی‌دیر" دئییب.
تورکیه بؤیوک میللت مجلیسی‌نین صدری مصطفی شنتوپ فرانسا پرزیدنتی امانوئل ماکرون ایله علاقه‌دار "فرانسانین اساس ناراحات‌لیغی تورکیه-نین دونیادا، بؤلگه‌ده و خصوصیله افریقا-دا فعال اولماسی ایله باغلی‌دیر" دئییب.
شنتوپ ماکرونون پرزیدنت رجب طیب اردوغانی هدف آلان آچیقلاماسینا موناسیبت بیل‌دیره‌رک دئییب:
"فرانسانین ناراحات‌لیغی معلوم‌دور. ماکرون یونانیستانین دوغو آغ دنیزیندکی بعضی غیری-ثابت، اساس‌سیز تزیندن طرف میش کیمی موضع اورتایا قویا‌راق بو ناراحات‌لیغینی گؤسترمه‌یه جهد ائدیر. بیر ناتو متفیقی اولا‌راق فرانسا-نین بو ریاکارلیق‌دان ایمتینا ائتمه‌سینی و اولوسلار آراسی حقوقا و دنیز قانون‌لارینا اویغون حرکت ائتمه‌سینی گؤزلییریک. آوروپا بیرلیگی عضوو گونئی آوروپا اؤلکه‌لری ذیروه سینده قبول ائدیلن قرارلار تورکیه اوچون هئچ بیر اهمیت داشیمیر".
پرزیدنتین کؤمکچی‌سی فواد اوکتای پرزیدنت رجب طیب اردوغانا یؤنلدیلمیش آچیقلاما‌لاری سببیندن فرانسا پرزیدنتی امانوئل ماکرونا "مستملکه ذهنیتی‌نین نماینده‌سی" ایفاده‌سی ایله رئاکسیا وئریب.
اوکتای سوسیال شبکه حسابیندا ماکرونون اردوغانی هدف آلان آچیقلاما‌لارینی پای‌لاشیم ائدیب.
"اردوغانین یانینداییق" اتیکت‌لی یازیسیندا اوکتای "مستملکه ذهنیتی‌نین نماینده‌سی ماکرون شعورسوز آچیقلاما‌لارینی داوام ائتدیرسین، بیز پرزیدنتیمیز جناب اردوغانین رهبرلیگی آلتیندا دونیا مظلوم‌لارینا اوزانان دوست الی اولماغا، میللتیمیزله بیرلیکده تاریخ یازماغا داوام ائدجییک" ایفاده‌سینی ایشلدیب.
