جمهور باشقانی اردوغان آوروپا بیرلیگینی عدالتلی و طرفسیز اولماغا چاغیریب
جمهور باشقانی رجب طیب اردوغان آوروپا بیرلیگینی دوغو آغ دنیزی ایله باغلی مسئلهده عدالتلی و طرفسیز اولماغا چاغیریب.
جمهور باشقانی رجب طیب اردوغان آوروپا بیرلیگی شوراسینین صدری شارل میشل ایله تلفونلا دانیشیب.
جمهور باشقانلیغی ایلهتیشیم باشقانلیغیندان وئریلن معلوماتا گوره، تلفون صحبتینده دوغو آغ دنیزیندکی وضعیت و آوروپا بیرلیگی ایله تورکیه علاقهلری موذاکیره اولونوب.
جمهور باشقانی اردوغان گؤروشده یونانیستانین و بعضی آوروپا بیرلیگینه عضو اؤلکه لرین دوغو آغ دنیزی و اگه-ده گرگینلیگین سویه سینی آرتیراجاق آددیملارینین قارشیسینین آلینماسیندا آوروپا بیرلیگی-نین اوزرینه دوشن عهده لیگی یئرینه یئتیرمهسینین واجیبلیگینی وورغولاییب. اردوغان آوروپا بیرلیگی-نین دوغو آغ دنیزینده نوماییش ائتدیرجگی موضعینین اولوسلار آراسی حقوق و بولگه سل باریش باخیمیندان اهمیت کسب ائدجگینی بیلدیریب.
اردوغان آوروپا بیرلیگی تشکیلاتلارینی و تشکیلاتا عضو اؤلکهلرینی دوغو آغ دنیزیندکی وضعیتله باغلی عدالتلی، طرفسیز و اوبیکتیو اولماغا چاغیریب.