تورکیه: اطریش-ین تورکیه-نی جاسوسلوقدا اتهام ائتمه‌سینی حیرتله قارشیلاییریق
بونو تورکیه خاریجی ایشلر ناظیرینین سؤزچوسو حامی آکسوی بیلدیریب.
"اطریش رسمی‌لری‌نین اؤلکه‌میز حاقیندا اورتایا آتدیق‌لاری اساس‌سیز ادعا‌لارینی رد ائدیریک".
بونو تورکیه خاریجی ایشلر ناظیرینین سؤزچوسو حامی آکسوی بیلدیریب.
حامی آکسوی دئییب کی، اطریش-ده تورکیه آدینا جاسوسلوق ائدیلدیگینه دایر ادعا‌لار تورکیه توپلومو، ائله‌جه ده بو اؤلکه‌ده یاشایان تورکیه توپلوموندا تأسف حیسی یارا‌دیر و موناسیبت‌لرین کورلانماسینا گتیریب چیخاریر: "اطریش حکومتی‌نین غیری-جدی رفلکس‌لرله اؤلکه‌میزی اتهام ائدن نتیجه‌لر چیخارماسینی حیرتله قارشیلاییریق".
دیپلومات بیلدیریب کی، تورکیه خاریجی ایشلر ناظیرلیگی رسمی اطریشی اؤلکه‌سی اوزریندن صونعی گوندم یارادیب بونون آرخاسینجا گئتمک‌دنسه، دؤولتین تقدیری و لیاقتی ایله حرکت ائده‌رک صمیمی امکداشلیغا دعوت ائدیر.
قئید ائدک کی، دونن اطریش ایچ ایشلر ناظیری "تورکیه اطریشی بؤلمک ایستییر" ادعاسی ایله بو اؤلکه‌ده تورک جاسوسون توتولدوغونو بیلدیریب. لاکین "جاسوس" دئییلن شخصین کیم‌لیگی آچیقلانماییب.
