"اوروچ رئیس" کشفیات-آختاریش گمیسینین فعالیت مودتی اوزادیلیب
یئنی قرارلا گمینین فعالیت مودتی 11 گون ده اوزادیلیب.
"اوروچ رئیس" کشفیات-آختاریش گمیسی فعالیت گؤسترجگی ساحه اوچون سپتامبرین 12-دک داوام ائدهجک یئنی "ناوتکس" (دنیزچیلره اعلان) اعلان ائدیلیب.
یئنی قرارلا گمینین فعالیت مودتی 11 گون ده اوزادیلیب.
قرارا اساسن، "اوروچ رئیس"، "آتامان" و "جنگیز خان" آدلی گمیلرله بیرلیکده دوغو آغ دنیزینده قیبریس ساحللرینده داها اول اعلان ائدیلمیش اراضیده سیسمیک فعالیتلر آپارماغا داوام ائدهجک.
قئید ائدک کی، "اوروچ رئیس" کشفیات-آختاریش گمیسی دنیزدیبی اراضیسی و طبیعی ثروتلری آختارماق باشدا اولماقلا هر نوع ژئولوژی، ژئوفیزیک، هیدروگرافیک و اوشینوگرافیک تدقیقاتلار آپارا بیلیر.
تام تجهیز اولونموش و چوخ مقصدلی تدقیقات گمیلریندن بیری اولان گمیده 2 و 3 اؤلچولو سیسمیک، قراویته و ژئوفیزیکی تدقیقاتلاری حیاتا کئچیره بیلیر. گمی 8 مین متر درینلیگه قدر 3 اؤلچولو، 15 مین متر درینلیگه قدر ایکی اؤلچولو سیسمیک عملیاتلار حیاتا کئچیره بیلر.