امریکانین سوریه اوزره خصوصی نوماینده‌سی جیمز جفری آنکارایا گلیب

امریکانین سوریه اوزره خصوصی نوماینده‌سی جیمز جفری و اونو همراهلیق ائدن هئیت رسمی دانیشیق‌لار آپارماق اوچون پایتاخت آنکارایا گلیب.

1480084
امریکانین سوریه اوزره خصوصی نوماینده‌سی جیمز جفری آنکارایا گلیب

 

امریکانین سوریه اوزره خصوصی نوماینده‌سی جیمز جفری و اونو همراهلیق ائدن هئیت رسمی دانیشیق‌لار آپارماق اوچون پایتاخت آنکارایا گلیب.

ائسنبوغا هاوا لیمانیندا مطبوعات منسوب‌لارینا آچیقلاما وئرن جفری آنکارایا ژنو-دن گلدیگینی و سوریه مسئله‌سی ایله علاقه‌دار "هیجانلی ایرلیلییش‌لر" اولدوغونو ایفاده ائدیب.

جفری سوریه آنایاسا کومیته‌سی‌نین ایجلاس‌لاری‌نین اوچونجو تورونون ژنوده باشلادیغینی خاطیرلادا‌راق، "یاخشی بیر باشلانغیج اولدو. تورکیه-‌نین آنایاسا کومیته‌سی‌نین بوتون عضو‌لرینی، خصوصیله ده موخالیفتی تشویق ائتمک اوچون جدی کمکی اولدو" دئییب.

حاضیردا کومیته‌نین بیر نئچه عضوونون یئنی نوع کروناویروس (کووید-19) تستی‌نین نتیجه‌لری‌نین گؤزله‌نیلدیگینی بیلدیرن جفری دئییب:

"آنجاق آنایاسا کومیته‌سی‌نین سیاسی یولدا داوام ائدجگینه و حقیقتن ایرلیلییشی دایاندیرمایاجاغینا اومید ائدیریک".

جفری سوریه-ده کی وضعیتله باغلی ایسه دئییب کی، بو موناقیشه‌نین حربی مرحله‌سی باشا چاتما‌لی‌دیر. رژیمین الده ائدجگی داها بیر اساس یوخدور. رژیمین دانیشیق‌لار ماساسینا قاییتماسی و اولوسلار آراسی توپلومون قالان حیسه‌سیله ماراقلانما واجیب‌دیر. بو، بیزیم اونجه لیگیمیزدیر. بو باره‌ده ده تورکیه صلاحیت‌لی‌لریله دانیشاجاغیق. بورادا اولدوغوم سون 2 ایلده بو سوالا بیر نئچه دفعه جاواب وئردیم. امریکا تورکیه-نین یاخین متفیقی‌دیر. سوریه-دن کناردا بیر چوخ بؤلگه‌ده بونو ثبوت ائتدیک.

سوریه مسئله‌سی‌نین حلینده تورکیه-‌نین رولونا دایر سوالا ایسه جفری "تورکیه مرکزی بیر موضع ده دیر" دئیه جاواب وئریب.

قئید ائدک کی، جفری دونن سوریه آنایاسا کومیته‌سی‌نین 3-جو تور ایجلاسی چرچیوه‌سینده سوئیس-ین ژنو شهرینده دانیشیق‌لار آپاران اؤلکه‌میزین خاریجی ایشلر ناظیرینین معاوینی سفیر سئدات اؤنال ایله ده گؤروشوب.



ایلگیلی‌لی خبرلر