ابراهیم کالین: لیبی-نین هئچ بیر یئرینده حربی حل یولونا اوستونلوک وئرمیریک"

بونو جمهور باشقانلیغی‌نین سؤزچوسو ابراهیم کالین مرکزی قرارگاهی قطر-ده اولان "الجزیره " کانالینا  موصاحیبه‌سینده دئییب.

1474957
ابراهیم کالین: لیبی-نین هئچ بیر یئرینده حربی حل یولونا اوستونلوک وئرمیریک"

بونو جمهور باشقانلیغی‌نین سؤزچوسو ابراهیم کالین مرکزی قرارگاهی قطر-ده اولان "الجزیره " کانالینا  موصاحیبه‌سینده دئییب.

کالین تورکیه-‌نین قطر و دیگر بیر سیرا اؤلکه‌لرله بیرلیکده لیبی-ده کی سیاسی تشببوس‌لری دستکله‌مک اوچون اورادا اولدوغونو سؤیله‌ییب.

لیبی-ده سیاسی حل یولونون مومکون اولاجاغینا ایناندیق‌لارینی بیلدیرن کالین بیر ایل عرضینده سیرته و جوفرا-دا حربی ییغیناق ائدیلدیگینی و بوندان ناراحات اولدوق‌لارینی قئید ائدیب.

بو وضعیتین لیبی-نین باریش و اراضی بوتؤو‌لوگو اوچون تهلوکه یاراتدیغینی وورغولایان کالین تورکیه لیبی-نین بؤلونمه‌سی ایله علاقه‌دار رسمی و غیری -رسمی پلان‌لارین علیهینه اولدوغونو قئید ائدیب و دئییب:

"تورکیه-‌نین لیبی-نین هئچ بیر یئرینده حربی حل یولونا اوستونلوک وئرمه‌دیگینی، اورادا حربی موباریزه‌نین داوام ائتمه‌سینی ایسته‌مه‌دیگیمیزی هر فورصتده دیله گتیریریک. لیبی –ده هر هانسی بیر دؤولتله قارشی-قارشییا گلمک ایسته‌میریک. میصرین لیبی-نین قونشوسو بیر اؤلکه اولدوغونو و اورادا یاپیجی بیر رول اوینایا بیله جگینه اینانیریق. بیزی حقیقتن ناراحات ائدن شئی روسیانین اورادا واگنر کیمی مزدلو قوللوقچولارینی یئرلشدیرمه‌سی و بیرلشمیش عرب امیرلیک‌لری‌نین لیبی-نین دوغوسونداکی قانون‌سوز سلاحلی قوه‌لرین باشچی‌سی خلیفه خفتری دستکله‌مک اوچون سودان، نیجر و چاد کیمی اؤلکه‌لردن مزدلولار گتیرمه‌سی‌دیر".

سیرته و جوفرا-نین سلاحلاردان تمیزلنمه‌سی تکلیفی‌نین قارشیدورما‌لارین دایاندیریلماسی اوچون نظرده توتولماسی واجیب یاخشی بیر فیکیر اولاجاغینی دوشوندوک‌لرینی ایفاده ائدن کالین "لیبی حکومتی مقبول شرط‌لرده سیرته و جوفرا-نین سلاحلاردان تمیزلنمه‌سینی تصدیقله‌سه، بیز اونلاری دستکله‌یه‌جییک. آنجاق بو، عدالتلی و شفاف شکیلده آپاریلما‌لی‌دیر. بو شهرلر سیاسی حل یولو اوچون بیر پنجره اولا بیلر" دئییب.

تورکیه-‌نین آغ دنیزی‌نین دوغوسونوندا گرگین‌لیک ایسته‌مه‌دیگینی بیلدیرن ابراهیم کالین آغ دنیزینه ساحلی اولان اؤلکه‌لرین بؤلگه‌ده باریش و رفاهین اولماسینا تحفه وئره بیله جگینه و اؤلکه‌لرده طبیعی ثروت‌لرین برابر شکیلده بؤلوش‌دوروله بیله جگینه دقت چکیب.



ایلگیلی‌لی خبرلر