تورکیه:"میصر و یونانیستان آراسیندا ایمضا‌لانان سازیش اعتبارسیزدیر"

تورکیه یونانیستان و میصر آراسیندا ایمضا‌لانان "سؤزده دنیز صلاحیت ساحه‌لرینی محدودلاشدیرما سازیشی"نین اساس‌سیز اولدوغونو بیلدیردی.

1468650
تورکیه:"میصر و یونانیستان آراسیندا ایمضا‌لانان سازیش اعتبارسیزدیر"

تورکیه یونانیستان و میصر آراسیندا ایمضا‌لانان سازیشین اساس‌سیز اولدوغونو بیلدیردی.

تورکیه یونانیستان و میصر آراسیندا ایمضا‌لانان "سؤزده دنیز صلاحیت ساحه‌لرینی محدودلاشدیرما سازیشی"نین اساس‌سیز اولدوغونو بیلدیردی.

خاریجی ایشلر ناظیرلیگی‌نین آچیقلاماسیندا بو ایکی اؤلکه آراسیندا دنیز سرحدی اولمادیغینا ایشاره ائدیله‌رک، "ایمضالاندیغی بیلدیریلن سؤزده دنیز صلاحیت ساحه‌لرینی محدودلاشدیرما سازیشی تورکیه اوچون اساس‌سیزدیر. بو آنلاییشیمیز ساحه‌ده و ماسادا اورتایا قویولا‌جاق‌دیر" ایفاده‌لری یئر آلیب.

سؤزده محدود ائدیلن ساحه‌نین بمت-ده بیلدیریلن تورکیه-‌نین دنیزدیبی اراضی‌سی داخیلینده یئر آلدیغی وورغولانان آچیقلامادا قئید ائدیلیب کی، 2003-جو ایلده گونئی قیبریس روم رهبرلیگی ایله ایمضالادیغی بو سؤزده راضیلاشما ایله 11 مین 500 کیلومتر مربع دن ایمتینا ائدن میصر یونانیستانلا حاضیردا ایمضالادیغی بو سؤزده سازیش ایله یئنه دنیز صلاحیت ساحه سینده ایتکییه معروض قالیر. بو سازیشله لیبی-نین ده حاق‌لاری غصب ائدیلمک ایستنیر. تورکیه-‌نین سؤزوگئدن ساحه‌ده هر هانسی فعالیته ایجازه وئرمه‌یه‌جگی و دوغو آغ دنیزینده اؤلکه‌میزین و قیبریس تورک‌لری‌نین قانونی حقوق و ماراق‌لارینی قرارلی شکیلده مودافعه ائتمه‌یه داوام ائدجگی شوبهه‌سیزدیر".

خاریجی ایشلر ناظیری مولود چاووش اوغلو دا یونانیستان و میصر آراسینداکی دنیز راضیلاشماسی باره‌ده "هم تورکیه-‌نین، هم ده لیبی-نین دنیزدیبی اراضی‌سی و حاق‌لارینی پوزور" دئییب.

بو سؤزده راضیلاشمانین اساس‌سیز اولدوغونو وورغولایان چاووش اوغلو، "هم ساحه‌ده، هم ده ماسادا بونون موجود اولمادیغینی گؤسترمه‌یه داوام ائدجییک. هم بونلارا، هم ده بوتون دونیایا" ایفاده‌لرینی ایشله دیب.

قئید ائدک کی، میصر و یونانیستان آراسیندا سؤزده "دنیز صلاحیت ساحه‌لرینی محدودلاشدیرما سازیشی" آوقوستون 6-دا قاهیره‌ده میصرین خاریجی ایشلر ناظیری سامح شکری و یونانیستانین خاریجی ایشلر ناظیری نیکوس دندیاس طرفیندن ایمضالانیب.



ایلگیلی‌لی خبرلر