تورکیه‌نین یاردیم ماتئریال‌لارینی داشییان اوچاق لوبنانا چاتیب

تورکیه-‌دن لوبنانا یاردیم لوازیماتی و آختاریش و قورتارما پرسنلی داشییان تورکیه سلاحلی قوه‌لرینه مخصوص طیاره بو اؤلکه‌نین پایتاختی بیروتا چاتیب.

1467899
تورکیه‌نین یاردیم ماتئریال‌لارینی داشییان اوچاق لوبنانا چاتیب

تورکیه-‌دن لوبنانا یاردیم لوازیماتی و آختاریش و قورتارما پرسنلی داشییان تورکیه سلاحلی قوه‌لرینه مخصوص طیاره بو اؤلکه‌نین پایتاختی بیروتا چاتیب.

جمهور باشقانی رجب طیب اردوغانین تعلیماتی ایله تورکیه بیروت-دا باش وئرن پارتلاییش‌دان سونرا بؤلگه‌یه طبی، آختاریش و قورتارما پرسنلی و اینسانی یاردیم گؤندریب.

ساغلیق ناظیرلیگی، فوق العاده حال‌لار ایداره‌سی (آفاد) و قیزیل آی جمعیتی طرفیندن حاضیرلانان ماتئریال‌لار آنکارا‌داکی ائتیمسگوت حربی هاوا لیمانیندا " A 400M " حربی یوک طیاره‌سینه یوکلنیب.

بؤلگه‌یه ساغلیق ناظیرلیگی طرفیندن 21 میللی طبی قورتارما قروپونون UMKE)  پرسنلی، 2 عاجیل یاردیم قورغوسو، 3 نفرلیک سیغینا‌جاق چادیری، داوا و طبی آوا‌دان‌لیق‌لار، آفاد طرفیندن 10 نفرلیک هئیت، آوا‌دان‌لیق، بیر قورتارما آراجی و تورکیه قیزیل آی جمعیتینه مخصوص 3 پرسنل، آختاریش و قورتارما قروپو، ساغلیق و اینسانی یاردیم ماتئریال‌لاری گؤندریلیب.

قئید ائدک کی، بیروت لیمانیندا پارتلاییجی ماده‌لرین اولدوغو 12 نمره‌لی انباردا اول یانغین باش وئریب، سونرا ایسه بوتون پایتاختی سارسیدان گوجلو پارتلاییش عمله گلیب. پارتلاییش نتیجه‌سینده چوخ سایدا اینسان اؤلوب و یارالانیب.



ایلگیلی‌لی خبرلر