تورکیه بیرلشمیش عرب امیرلیک لرینه رئاکسیا وئریب
تورکیه میللی مودافعه ناظیرلیگی ابوظبی رهبرلیگینین سوریه، لیبی، یمن و افریقا بوینوزو کیمی بؤلگهلرده ثابتلیگی پوزان ایشلر گؤردوگونو بیلدیردی.
تورکیه میللی مودافعه ناظیرلیگی ابوظبی رهبرلیگینین سوریه، لیبی، یمن و افریقا بوینوزو کیمی بؤلگهلرده ثابتلیگی پوزان ایشلر گؤردوگونو بیلدیردی.
تورکیه میللی مودافعه ناظیرلیگی، میللی مودافعه ناظیری حولوصی آکارین 31 ژوئیه 2020-جی ایلده الجزیره تلویزیونوندا گئدن موصاحیبهده سوروشولان سواللارا وئردیگی جاوابا بحرین خاریجی ایشلر ناظیرلیگی طرفیندن ائدیلن شرحین گئرچکلری عکس ائتدیرمهدیگینی آچیقلاییب.
تورکیه میللی مودافعه ناظیرلیگی معلوماتیندا بیلدیریلیر: "ابوظبی رهبرلیگینین سوریه، لیبی یمن و افریقا بوینوزو کیمی بؤلگهلرده بیرلشمیش میللتلر تشکیلاتی موقاویلهسی باشدا اولماقلا، اولوسلار آراسی قایدا و اخلاقی دیرلری تاپدالایاراق ایجرا ائتدیگی ثابتلیگی پوزان حرکتلری "یاپیجی" آدلاندیرماسی و بونلارا وئردیگیمیز حاقلی رئاکسیانی عرب قارداشلاریمیزا عکس اولاراق گؤسترمک ایستکی بوش بیر سعیدیر.
عرب خالقی بیزیم دوستوموزدور، قارداشیمیزدیر. ابوظبی رهبرلیگینی و اونو دستکلهین اؤلکهلری ساغلام فیکیره دعوت ائدیریک. بحرین و بو گون یانیندا دایانان دؤولتلر یاخین تاریخده بو بؤلگهده ائتدیکلرینی یادا سالسینلار. بولگه سل باریش، ثابتلیک و تهلوکهسیزلیگی پوزان کودتاچیلارین دئییل، حقوق و قانونی حکومتین یانیندا یئر آلاراق مودافعه اولونا بیلر.
تورکیه-نین لیبی ایله 500 ایللیک اورتاق تاریخ، مدنیت و اینانچلاری وار. بیز "لیبی لیبی-لیلریندیر" پرینسیپی ایله حرکت ائدیریک. تورکیه-نین مقصدی میللی کوالیسیون حکومتینین رهبرلیگی ایله بوتون لیبی-لیلرین تورپاق بوتؤولوگو و میللی بیرلیگینین تامین ائدیلمهسی، موستقیل اگمن بیر لیبی-نین اولماسیدیر.
بیز کودتاچیلارین دئییل، بیرلشمیش میللتلر تشکیلاتی طرفیندن تانینان قانونی میللی کوالیسیون حکومتینین دعوتی و اولوسلار آراسی حقوقا اویغون اولاراق ایمضالانمیش ایکی طرفلی راضیلاشمالار چرچیوهسینده لیبی-ده ییق. تورکیه بو گونه قدر وئردیگی حربی تعلیم، یاردیم و مصلحت دستکینه داوام ائدهجک."