عبدالله ارن:"تورکیه بورس لاری سایه‌سینده کؤنول‌دن کؤنوله یول‌لار سالینیر"
خاریجده یاشایان تورک‌لر و اقربا ایجما‌لاری ایداره سی‌‌نین (ی.ت.ب) صدری عبدالله ارن تورکیه-نین وئردیگی بورس لار نتیجه‌سینده کؤنول‌دن کؤنوله یول‌لار سالیندیغینی سؤیله‌دی.
خاریجده یاشایان تورک‌لر و اقربا ایجما‌لاری ایداره سی‌‌نین (یتب) صدری عبدالله ارن تورکیه-نین وئردیگی بورس لار نتیجه‌سینده کؤنول‌دن کؤنوله یول‌لار سالیندیغینی سؤیله‌دی.
خاریجده یاشایان تورک‌لر و اقربا ایجما‌لاری ایداره سی‌‌نین ائو صاحب‌لیگیله پایتاخت آنکارادا 9-جو اولوسلار آراسی اویرنجی ماذون مراسیمی تشکیل ائدیلیب. عبدالله ارن بورادا ائتدیگی چیخیشیندا خاریجده یاشایان تورک‌لر و اقربا ایجما‌لاری ایداره سی‌‌نین اؤیرنجی لرینه مراجعتله دئییب: "تورکیه بو بورس لاری سیزدن مادی قارشی‌لیق گؤزله‌یمه‌رک وئردی. شوبهه‌سیز، بو بورس لار سایه‌سینده کؤنول‌دن کؤنوله یول‌لار سالینیر.
تورکیه-ده فارغ التحصیل اولان 2500 خاریجی طلبه و دونیانین موختلیف اؤلکه‌لرینده تحصیل آلان 150 میندن چوخ تورکیه ماذونونا خطاب ائدیرم. بیز سیزدن بون‌لاری خواهیش ائدیریک؛ بیرینجی‌سی، ماذون اولدوقدان سونرا عائله‌نیزه، اطرافینیزا و مملکتینیزه فایدا‌لی اولماق. ایکینجی‌سی، تورکیه و اؤلکه‌نیز آراسینداکی علاقه‌لرین اینکیشافینا تحفه وئرمک. اوچونجوسو، تورکیه-نین قلوبال عدالت و ویجدان موباریزه‌سینه کؤنول‌لو دستک اولماق. سیز تورکیه-نین سوسیال جمعیتینده یئر آلدینیز. آرتیق تورکیه سیزین ایکینجی وطنینیزدیر. هر واخت سیزی تورکیه-ده گؤزلییریک.
بو ایل فارغ التحصیل اولان اؤیرنجی لرین 30-ا یاخین اؤلکه‌ده 150 میندن چوخ عضوو اولان تورکیه فارغ التحصیل لری درنک‌لرینه ده قئید اولونما‌لارینی توصیه ائدیریک".
چیخیشین‌دان سونرا خاریجده یاشایان تورک‌لر و اقربا ایجما‌لاری ایداره سی‌‌نین صدری عبدالله ارن بیلم یوردلاریندان یوکسک قیمت‌لرله ماذون اولان 11 طلبه‌یه هدیه وئریب. بون‌دان سونرا مراسیمده ایشتیراک ائدن بوتون ماذون لار پاپاق‌لارینی گؤیه آتیب‌لار.
مراسیم تورکیه بورس لاری صنعت بیرلیگی‌نین موسیقی تقدیماتی و قالا یئمییندن سونرا ماذون لارین عائله‌لری‌نین گؤندردیگی ویدئو مئساژلارلا سونا چاتیب.
