آیاصوفیه مسجیدی 86 ایل سونرا یئنی‌دن عبادته آچیلیب
آیاصوفیه مسجیدی 86 ایل سونرا بو گون قیلینان جمعه نامازی ایله یئنی‌دن عبادته آچیلدی.
آیاصوفیه مسجیدی 86 ایل سونرا بو گون قیلینان جمعه نامازی ایله یئنی‌دن عبادته آچیلدی.
جمهور باشقانی رجب طیب اردوغان عبادته آچیلان ایاصوفیای کبیر مسجدینه گلیب.
اردوغان جمعه نامازیندان اول قوران اوخویوب.
ایاصوفیه میدانینا گلن اردوغان وطنداش‌لارین آلقیش و سئوگی نوماییشی ایله قارشیلانیب.
ناماز قیلماق اوچون میدان‌لاری دول‌دوران‌لار اردوغانین میدانا گیرمه‌سیله موختلیف شعارلار سسلندیریب‌لر.
اردوغانی جمهور باشقانلیغی نین مطبوعات خیدمتی‌نین رهبری فخرالدین آلتون همراهلیق ائدیب.
دین ایشلری عذره ایداره‌نین رهبری علی ارباش طرفیندن قارشی‌لانان جمهور باشقانی اردوغان جمعه نامازی اوچون ایاصوفیه‌یه داخیل اولوب.
پرزیدنتین کؤمکچی‌سی فواد اوکتای تورکیه بؤیوک میللت مجلیسی‌نین صدری مصطفی شنتوپ و میللیتچی حرکت پارتیسی‌نین (م ح پ) صدری دوولت باخچالی ایاصوفیه مسجیدینه گلیب‌لر.
جمهور باشقانی اردوغان دین ایشلری عذره ایداره‌نین مسجیدده تشکیل ائتدیگی پروقرامدا اوخونان قران آیه‌لرینی دینله‌ییب.
داها سونرا 4 مؤذن بیرلیکده ایاصوفیای کبیر مسجیدی‌نین 4 میناره‌سینده سلا اوخودولار.
میناره‌لردن دئییلن سلا‌لاردان سونرا جمهور باشقانی اردوغان فاتحه سوره‌سی و بقره سوره‌سی‌نین ایلک 5 آیه‌سینی سسلندیریب.
جامات دین ایشلری عذره ایداره‌نین رهبری علی ارباشین موشاییتینده دعا ائدیب. سنت نامازیندان سونرا خطبه اوخویان علی ارباشی فرض نامازینی قیلیب.
عبادت اوچون مسجیدین آچیلماسی سوسیال مئدیا پلاتفورما‌لاریندا ائدیلن پایلاشما‌لارلا دا گوندمده ایدی.
سوسیال مئدیا ایستیفادچی‌لری‌نین #ایاصوفیه‌جامی ائتیکئتی اولان پایلاشما‌لاری توییترده بیرینجی یئرده‌دیر.
آچیلیش تدبیری سوسیال مئدیا پلاتفورما‌لاریندا ائله‌جه ده تلویزیون کانال‌لاریندا جانلی یاییملانیب.
پروقرام عینی زاماندا جمهور باشقانی رجب طیب اردوغانین شخصی سوسیال مئدیا حسابلاریندان و ایاصوفیای کبیر مسجد آدینا آچیلان رسمی توییتر حسابیندان ایزله‌نیلیب.
ایاصوفیه ده قیلینان جمعه نامازیندان سونرا جمهور باشقانی اردوغان و میللتچی حرکت پارتی سینین صدری دوولت باخچالی فاتح سلطان مهمت خانین مزارینی زیارت ائدیب‌لر.
جمهور باشقانی اردوغان بورادا وئردیگی آچیقلامادا "ایندی بو یئر اوولکی وضعیتینه قاییتدی، مسجید یئنی‌دن مسجید اولدو. ایندی ابدیته قدر بوتون مؤمن‌لره مسجید اولاراق خیدمت گؤسترمه‌یه داوام ائدجگینه اومید ائدیرم" دئییب.
اردوغان ایاصوفیای کبیر مسجیدی‌نین بوتون بشریتین مدنی ارثی اولاراق بوتون دین‌لردن اینسان‌لارین گلیب گزه و ائده بیله‌جک‌لری بیر یئر اولدوغونو ایفاده ائدیب.
ایلگیلی‌لی خبرلر
"ت‌رت ایسپانیولجا" یایین حیاتینا باشلاییر
ت‌رت، اولوسلارآراسی دیجیتال خبر پلتفورملارینا بیر یئنیسینی داها علاوه ائدیر
